Ձեր վստահելի աղբյուրը

Սասեքսի դքսուհի Մեգան Մարքլի մասին փաստագրական ֆիլմ է նկարահանվում: Ֆիլմի ստեղծողներին հաջողվել է պարզել, թե ինչու է դքսուհին բաժանվել նախկին ամուսնուց՝ կինոպրոդյուսեր Թրևոր Էնգելսոնից: Այս մասին գրում է woman.ru-ն: 

Ոչ մեկի համար գաղտնիք չէ, որ Մեգան Մարքլը պատմության մեջ մտել է Մեծ Բրիտանիայի արքայազն Հարրի հետ ամուսնանալով, ինչպես նաև ոչ միայն իր ծագման, իր մասնագիտության, այլև իր կարգավիճակի պատճառով, քանի որ մինչև Անգլիայի թագուհու թոռան հետ ամուսնանալը  դերասանուհին մեկ անգամ ամուսնացած է եղել:

Մեգանի ամուսնությունը պրոդյուսեր Թրևոր Էնգելսի հետ տևել է երկու տարի: Իր կյանքի այդ շրջանի մասին դքսուհին նախընտրում է չհիշել, քանի որ այդ  ամուսնությունը ավարտվել է Մեգանի կողմից փոստով ամուսնական մատանին ամուսնուն ուղարկելով:

«Մեգան Մարքլ. ֆիլմ, ամուսնություն և մայրություն» վերնագրով փաստագրական ֆիլմում ներկայացվել է դերասանուհու՝ նախկին ամուսնուց բաժանվելու  պատճառը:

,Մեգանը և Թրևորը միասին են եղել 7 տարի, սակայն ամուսնացած են եղել 2 տարի: Երբ նրանք ամուսնացել են, դրանից անմիջապես հետո դերասանուհին «Suits» հեռուստասերիալում նկարահանվելու առաջարկ է ստացել և մեկնել է Տորոնտո, իսկ ամուսինը մնացել է Լոս Անջելեսում: Հենց դա էլ կործանել է նրանց ամուսնությունը»,- այս մասին ֆիլմի ստեղծողների հետ հարցազրույցի ընթացքում ասել է լրագրող Էշլի Փիրսոնը: