Ձեր վստահելի աղբյուրը

Մայիսի 18-ին՝ Թանգարանային գիշերվա և Թանգարանների միջազգային օրը,  Հայաստանի Ազգային պատկերասրահը բաց կլինի ժամը 14:00-24:00-ն: ՀԱՊ-ից հայտնում են, որ, ելնելով անվտանգության նկատառումներից, թանգարանում փակ կլինեն 1-ին հարկի՝ Հակոբ Գյուրջյան և Արևելքի սրահները, 9-րդ հարկի սրահները և «Վերածննդից ռոկոկո. Գույնի ձևը» ժամանակավոր ցուցաhանդեսը:

Մայիսի 18-ում անցկացվելու են  մի քանի միջոցառում։ ՀԱՊ-ի 9-րդ հարկի դահլիճում ժամը 14:00-15:00-ն կանցկացվի «Արվեստագետի մտերիմը» թեմայով դասախոսություն՝  նվիրված Արփենիկ Նալբանդյանին, Արմինե Կալենցին, Դիաննա Ուկլեբային և այն կանանց, ովքեր նեցուկ են եղել իրենց արվեստագետ ամուսիններին և միասին անցել ստեղծագործողի դժվարին ուղին: Դասախոսությունը կվարի արվեստաբան Հասմիկ Բադալյանը

4-րդ  հարկի ցուցասրահում  ժամը 18:00 -19:00-ն   տեղի  կունենա «Իմ Կոմիտասը» կրթական ծրագիրը՝ նվիրված Կոմիտասի 150-ամյակին։ 

Որմնանկարների սրահում ժամը 18:00 -19:00-ն «Կոմիտասը և մենք» խորագրով փառատոնի շրջանակներում տեղի կունենա  «Կոմիտաս-Կոմիտաս» տոնական համերգ Երևանի պետական կամերային երգչախմբի մասնակցությամբ (гլխավոր դիրիժոր և խմբավար՝ ՀՀ արվեստի վաստակավոր գործիչ Հարություն Թոփիկյան) 

7-րդ հարկի ցուցասրահում ժամը 20:00-21:00-ն տեղի կունենա  «Լեոնարդո դա Վինչի. հեքիաթներ, լեգենդներ առակներ» ընթերցում՝ կապված մեծ արվեստագետի մահվան 500-ամյակի հետ: Նյութը կներկայացնեն Երևանի թատրոնի և կինոյի պետական ինստիտուտի ուսանողները: 

Մուտքը` անվճար է։