Ձեր վստահելի աղբյուրը

Քաղաքական վերլուծաբան Գրիգոր Աթանեսյանն անդրադարձել է ՀՀ բոլոր դատարանների մուտքերն ու ելքերն արգելափակելու վարչապետ Փաշինյանի կոչին։

«Սա դատական համակարգի մասին չէ, ինչպես Փաշինյանը ցանկանում է այն ձևակերպել։ Սա մեկ գործի մասին է, որը կարևոր է նրա համար։ Փաշինյանը իշխանության է արդեն 1 տարի ու ոչ մի նշանակալի դատական ռեֆորմ չի ներկայացվել։ Այժմ, երբ Քոչարյանը կրկին ազատ արձակվեց, նա գործում է»,-թվիթերում  գրել է Գրիգոր Աթանեսյանը։

Important context: this is not about the judicial system, as Pashinyan wants to frame it. This is about one case that is important to him. Pashinyan has been in power for a year, and no meaningful judicial reform has been introduced. Now when Kocharyan is released again, he acts. https://t.co/DflmafAQ45

— Grigor Atanesian (@atanessi) May 19, 2019

Մեծ Բրիտանիայի Բիրմինգհեմի համալսարանում քաղաքագիտության և միջազգային հարաբերությունների դասախոս դոկտոր Գևորգ Օսկանյանը (Dr. Kevork Oskanian) վարչապետի կոչը համարում է «դատական իշխանության անկախությանն ուղղված ընդունելի հանցանք»։

Հարավային Կալիֆոռնիայի համալսարանի Հայագիտական ինստիտուտի Focus on Karabakh հարթակի խմբագիր, փորձագետ Էմիլ Սանամյանը թվիթերում գրել է. «Նիկոլ Փաշինյանի՝ դատարանների աշխատանքը կաթվածահար անելու առաջարկած ակցիան, որպես Քոչարյանին նախնական կալանքից ազատ արձակելուն ուղղված հակահարված, անկասկած, սահմանադրության ու օրենքի խախտում է։ Ավելի խնդրահարույց է այն, որ տարօրինակ կերպով արտացոլում է թույլ երևալու վախն այն մարդու համար, ով ստացել է երկիրը բարեփոխելու համար գերակշռող մանդատ, բայց այն վատնում էր հին կռիվների վրա:

Սա կլինի ևս մեկ փորձություն Հայաստանի ինստիտուտների համար, ոչ միայն դատարանների, այլ նաև ոստիկանություն ու մյուսների, ովքեր երդվել են պաշտպանել Սահմանադրությունն ու օրենքը, այլ ոչ թե գործել վարչապետի քմահաճույքներով»:

The action proposed by @NikolPashinyan for tomorrow - to paralyze the work of courts as retaliation for Kocharyan's release from pre-trial detention - is undoubtedly a violation of constitution & law. Almost more problematically it oddly reflects the fear to look weak for a man..

— Emil Sanamyan (@emil_sanamyan) May 20, 2019