Ձեր վստահելի աղբյուրը

«Իմ պատկերացմամբ, անտեղի կոչ եղավ,  դատարանների մուտքը փակելու»,- այսօր լրագրողների հետ հանդիպմանն այս մասին նշեց Հայաստանի նախագահի խորհրդական, Մարդկային զարգացման միջազգային կենտրոնի ղեկավար Թևան Պողոսյանը՝ անդրադառնալով երկու օր առաջ իրականցված ակցիային ու ներքաղաքականա իրավիճակին։

Նա ուրախալի համարեց այն փաստը, որ այդ կոչից հետո և շատ փորձագետներ, և քաղաքական միավորումներ, կուսկացություններ մտահոգ մարդիկ արտահայտեցին այն միտքը, որ չի կարելի դա անել և այն չի նպաստելու որևէ դրական բանի, նույնիսկ երկրին կարող է հարվածներ հասցնել։

«Միգուցե հենց դա է եղել, որ հայկական հասարակությունը, լսելով այդ բոլոր կոչերը, քննարկումները, մարդկանց մասնակցությունն այնպիսին չէր՝ սպասելիքների համեմատ։ Այնուամենայնիվ հասարակությունը սկսեց լսել ոչ թե մեկ ձայն, այլ տարբեր կարծիքներ և իր համար գնահատել»,- ասաց Պողոսյանը։

Ինչ վերաբերում է վարչապետի հայտարարությանը, Մարդկային զարգացման միջազգային կենտրոնի ղեկավարը նշեց՝ կարևոր է, որ Փաշինյանի կողմից ներկայացված քայլերը մտնեն մեր օրակարգ՝ քննարկման և ճիշտ գործընթացով։

Նրա կարծիքով՝ ցանկացած ոք պետք է դառնա մասնակից բարեփոխումների, որ հետո վստահություն ունենա համակարգի նկատմամբ։

«Ուղղակի որևէ երկրի փորձը վերցնել և քոփի-փեսթ անել՝ չի աշխատելու։ Հայաստանն ունի իր նրբությունները, մշակութային խնդիրները, տրադիցիաները։ Մենք պետք է գիտակցենք, որ սա ոչ միայն դատական համակարգին է վերաբերում, այլ ցանկացած բարեփոխման։ Իսկ դատական իշխանության հանդեպ եղած գործողությունները, շատ ուրախ կլինեի, որ կարողանայինք բոլորս միասին քննարկել, ուրախ կլինեի, որ ԱԺ-ում համաձայնություն ունենային և նիստը արտահերթ կայանար ու բոլոր հարցերը քննարկվեր։ Սխալն ուղղել ամոթ չէ, չուղղելն է ամոթ»,- ասաց Պողոսյանը։

Ինչ վերաբերում է նախագահի հայտարարությանը՝ Թևան Պողոսյանն ասաց. «Հարցն այսպես է պետք տալ՝ մենք գիտակցում ենք նախագահի լիազորությունների շրջանակում ինչ է մեզ ասվել և արդյոք դա տեղին է, թե ոչ։ Քաղաքական կուսկացությունները քաղաքական հայտարարություն են անում՝ հասկանալի է, ՄԻՊ-ը և այլ պետական ինստիտուտներն իրենց հայտարարությունը պետք է անեն։ Հիմա ինչ լիազորություններ ուներ նախագահը՝ բացի սահմանադրությունում ձևակերպումից՝ կյանքի կոչելու գործիքակազմով։ Նախագահն ունի երկու գործիքակազմ՝ ուղերձով դիմել և դիմել ՍԴ։ Ինչ վերաբերում է ուղերձի բովանդականությանը՝ համաձայն սահմանադրության նախագահը քաղաքական չէ, նա բոլորի շահերը պաշտպանելու համար է։ Կար ուղիղ կոչ՝ բոլոր քաղաքացիներին, կապ չունի պաշտոնը և դերը, հարգել Սահմանադրությունն ու օրենքները։ Դրանից հետո կա նախադասություն՝ մշտական կապի մեջ է բոլոր պետական մարմինների հետ։ Սա նշանակում է, որ խոսում են, քննարկում են, որ թույլ չտան ճգնաժամեր»։

Հարցին, թե ամեն դեպքում այս ամենը ինչ ազդեցություն ունեցավ Հայաստանի վարկանիշի վրա միջազգային դաշտում՝ հաշվի առնելով առկա արձագանքները, նա ասաց. «Եթե մենք սրանից հետո քաղենք համապատասխան դասեր, գործընթացները ճիշտ տանենք, մեկ, երկու տարի կունենանք բարձ վստահություն ունեցող անկախ դատական համակագ: ԵԽԽՎ-ի հայտարարության տեքստի մեջ ամեն մարդ կարող է մի բան տեսնել: Մենք ձևավորեցինք մի դաշտ, որ միջազգային հանրությունը ունի մի ձեռքում մի հատ ճիպոտ, որով ասում է, թե՝ չեք պահել իշխանության ճյողեր միջև հավասարությունը, մյուս ձեռքում ունի ուրիշ ճիպոտ և ասում է, որ մենք պատրաստ ենք բարեփոխումնեին աջակցել և հնարավոր է այս երկրորդ ճիպոտը դառնալ կոնֆտետ: Եթե մենք բարեփոխումները ճիշտ անենք կստանանք դրական արդյունքը և մեր իմիջի վրա բացասական չի ազդի»,-ասաց նա։

Թևան Պողոսյանը կարևորեց, որ ձևավորենք այնպիսի հասարակություն, որը ունակ է միասին լինել, հարցեր քննարկել և լուծումներ գտնել:

«Մեր առաջ կանգնած են  մեծ մարտահրավերներ, հատկապես անվտանգության ոլորտում։ Հակառակորդը իր քաղաքականությունը չի փոխում: Նախկին տարինների փորձը ցույց է տալիս որ մայիսի քսանյոթին և քսանութին ավելի ագրեսիվանում է: Բանակցային գործընթացում ոչ մի փոփոխություն չի եղել,պարզապես Ադրբեջանը այն խաղն է խաղում, թե իբր ինքը  կոնստրուկտիվ է»։