Ձեր վստահելի աղբյուրը

«Կարծում եմ՝ չկա Հայաստանում որևէ քաղաքացի, որը հավատում է Հայաստանի դատական համակարգին»,- լրագրողների հետ հանդիպմանն ասաց PR տեխնոլոգիաների մասնագետ Կարեն Քոչարյանը:

Նրա խոսքով, դա նոր չէ, վերջին 10-20 տարին չէ, Խորհրդային միությունից եկած է, գնալով ավելի փտեց և այն որ դատական իշխանությունը պետք է բարեփոխվեր, փոխվեր, արմատախիլ արվեր, նորը գար, ոչ ոք չի կասկածում։

«Բայց չեմ կարողանում հասկանալ, թե ինչու էր պետք դրա համար փակել դատարանների դռներն այլ  էլ վարչապետի կոչով։ Այս սա ինձ համար անհականալի է։ Կարծում եմ՝ ինչ-որ պահ անհասկանալի դարձավ  նաև վարչապետի համար, երբ որ կոչ արեց արդեն ազատել»,- ասաց Կ. Քոչարյանը։

Նրա կարծիքով, այստեղ վարչապետը երկու կորուստ ունեցավ. «Ենթադրում եմ, որ եղել են մարդիկ, որոնք խորհուրդ են տվել չանել նման բան։ Ամենասարսափելին այն է, որ ով խորհուրդ է տվել իրեն անել,  համարում եմ, որ իրեն պադստավա են արել, որովհետև  խորհուրդ տվողներն առաջինը ֆիքսեցին, որ ներկա է եղել ընդամենը 1100 մարդ։ Պարզ էր, եթե կոչով չհավաքի շատ մարդ, այդտեղ վարչապետը ունենալու է իմիջային կուորստ։

Երկրորդը, միջազգային  ատյանները ճիշտ է առայժմ ավելի դիվանագիտորեն արձանագրեցին, որ կօգնեն  բարեփոխումներին, բայց պետք է ամեն ինչ արվի Սահմանադրության, օրենքի շրջանակներում։

Դա այսպես թե այնպես ֆիքսվելու էր, հետագայում թուլացնելու էր բանակցային ռեսուրսը, այդ թվում փաստացի 100 տոկոսանոց դեմոկրատական լեգիտիմությունը։ Իհարկե,  դրանից լեգիտիմությունը չի պակասում, բայց հետագայում, այս քայլը հետո դեմոկրատիա բառի վրա արդեն դժվար է լինելու խաղալ։  Կարծում եմ՝ Նիկոլ Փաշինյանը  դա հասկացավ շատ արագ ու հետ քաշվեց»։ 

Խոսելով Նիկոլ Փաշինյանի՝ Արցախի հետ կապված հայտարարությունների  մասին, մասնավորապես Հայաստանի ու Արցախի ինքնիշխանության դեմ դավադրություններ հրահրող ուժերի վերաբերյալ, քաղտեխնոլոգն ասաց, որ պետք է շատ զգույշ լինել այստեղ, չի կարելի օդում ինչ -որ բաներ ասել։

«Վարչապետն Իրանում ասում է, որ Հայաստանում կան բազմաթիվ լրտեսներ, ու հետևանք չի լինում։ Հայտարարում է, որ ԱԱԾ-ից  կորել են փաստաթղթեր, դրանից հետո ոչ մի հետևանք չի լինում։ Եթե վարչապետը հայտարարում է  որոշ շրջանակներ, որոշը ո՞րն է, անունը ասեք ու այդ մարդուն բռնեք։ Ի՞նչ է նշանակում օդում խոսակցություններ։ Վարչապետի  ասածից հետո պետք է լինեն գործողություններ, հետևանքներ, բոլոր ասած դեպքերի հետ կապված, նաև Արցախի։ Ի՞նչ է նշանակում որոշ շրջանակներ, ովքե՞ր են այդ շրջանակները։ Անուններ տվեք,  օդում խոսելը... Հո հեքիաթ չէ, ռեալ կյանք ենք ապրում բավականին վտանգավոր շրջանում»,- ասաց Կ. Քոչարյանը։