Ձեր վստահելի աղբյուրը

Ամերիկյան The Washington Post թերթի հաշվարկներով, «Գահերի խաղը» սերիալի ութ եթերաշրջանում Երկաթե գահի համար  պայքարում մահացել  է 6887 կերպար, այդ թվում մարդիկ, կենդանիներ։ ՏԱՍՍ-ի հաղորդմամբ, սերիալի ամենաարյունարբու հերոսը Դրոգոն վիշապն է, որն ութ եթերաշրջանում այրել է 1426 կերպար։ Երկրորդ տեղում է Արյա Սթարկը, ում ձեռքով սպանվել է 1278 կերպար, երրորդում՝ Ռեյգար վիշապը,  սպանել է 273 կերպար։ Չորրորդ և հինգերերորդ տեղերում են Սերսեյա Լանիսթերը (199) ու Ջոն Սնոուն (112)։

Մահվան ամենատարածված պատճառներից  էր կենդանիների հարձակումը, այդ թվում վիշապների՝ 1756 մահացած կերպար,  1244 կերպար սպանվել է սև կախարդանքի ազդեցությամբ, 801՝ սառը զենքով, այդ թվում սրերով և դաշույններով։

«Գահերի խաղը» սերիալը նկարահանվել է  Ջորջ Մարտինի  «Սառույցի և կրակի երգ» վեպային շարքի հիման վրա։ Տեղի ԶԼՄ-ների գնահատականներով, սերիալի նկարահանման համար ծախսվել է 500 միլիոն դոլար։ Առաջին սերիան ցուցադրվել է 2011 թվականի ապրիլի 17-ին։ Այդ ժամանակվանից սերիալը ողջ աշխարհում մեծ ճանաչում է ստացել։ Եզրափակիչ՝ ութերորդ եթերաշրջանի վերջին սերիան, որը ցուցադրվել է մայիսի 19-ին, դիտել է ռեկորդային՝ 19,3 միլիոն մարդ։