Ձեր վստահելի աղբյուրը

«Գահերով խաղը» ֆիլմի երկրորդ եթերաշրջանից «Սև ջուր» էպիզոդը ճանաչվել է սերիալի ամենալավ սերիան։ Գազետա.ռու-ի հաղորդմամբ՝ հայտնում է The Guardian-ը։ Փորձագետների կարծիքով, այդ սերիան «կատարյալ հեռուստատեսային ժամ է»։

Երկրորդ տեղում է երրորդ եթերաշրջանից «Կարմիր հարսանիք» սերիան։  Լավագույն եռյակը ամփոփում է «Գահերով խաղի»  վեցերորդ եթերաշրջանից «Բասթարդների մարտը» սերիան։

Հիշեցնենք, որ ապրիլի 14-ին կայացել է «Գահերի խաղը» հեռուստասերիալի վերջին՝ 8-րդ սեզոնի պրեմիերան, որը 2019-ի ամենասպասված սերիալն է։  Վերջին սերիան ցուցադրվել է մայիսի 19-ին։
«Գահերի խաղը» ամերիկյան ֆենտեզի ժանրով դրամատիկ հեռուստասերիալը ստեղծվել է Դեյվիդ Բենիոֆի և Դ. Բ. Ուեյսսի կողմից՝ «HBO» հեռուստաալիքի պատվերով։ Նկարահանուները տեղի են ունեցել Հյուսիսային Իռլանդիայում, Խորվաթիայում, Իսլանդիայում, Մարոկկոյում, Իսպանիայում, Մալթայում, Շոտլանդիայում և ԱՄՆ-ում։ Պրեմիերան ԱՄՆ-ում տեղի է ունեցել 2011 թվականի ապրիլի 17-ին «HBO» ալիքով։