Ձեր վստահելի աղբյուրը

Վերջին շրջանում տարբեր լեզուներով նյութեր հրապարակվեցին այն մասին, որ Շվեդիան արգելել է պարտադիր պատվաստումները։ Այն տարածվել էր ամերիկյան այլընտրանքային թերապիա լոբբիստական խմբի կողմից, որն իրեն անվանում է Ազգային առողջապահական ֆեդերացիա (National Health Federation):

Ըստ տարբեր աղբյուրների, Շվեդիայի կողմից պատվաստման այս արգելքը պայմանավորված է փաստով, որ այն խախտում է քաղաքացիների սահմանադրական իրավունքը՝ ընտրել սեփական առողջության խնամքը, ինչպես նաև պատվաստումներից հետո առաջացող «լուրջ առողջական խնդիրները»։

Իսկ թե ինչ է տեղի ունեցել իրականում, պարզել է France 24-ը՝ ներկայացնելով տարածված տեղեկության վերաբերյալ փաստեր ու հակափաստեր։

Այսպիսով, այո՛, 2017թ.-ի մարտին Շվեդիայի պառլամենտը  դեմ է քվեարկել պատվաստումները պարտադիր դարձնելու նախաձեռնություններին։ Այսինքն՝ այն մինչ այդ էլ չի եղել պարտադիր։

Շվեդիայի խորհրդարանն առաջնորդվել է սոցիալական հարցերի հանձնաժողովի առաջարկություններով, որը նշում է, որ կամավոր պատվաստումների թիվը  բարձր է  ու կայուն, ինչպես նաև պատվաստումների նկատմամբ մարդկանց վստահությունն է բարձր։ Այնպես որ, կարիք չկա պատվաստումները դարձնել պարտադիր։

Այսօր Շվեդիայում պատվաստումները մնում են ընտրովի, սակայն խորհուրդ է տրվում այն անել։ Պետության կողմից խորհուրդ տրվող 9 պատվաստումները  կատարվում են 2-ից ցածր 96 տոկոս երեխաներին։