Ձեր վստահելի աղբյուրը

«Մայիսի 20-ին դատարանների մուտքերն ու ելքերը արգելափակելու կոչը՝  վարչապետի կողմից պարզ մեսիջ էր Վերաքննիչ դատարանին, հետագայում նաև բոլոր այն դատավորներն, որոնք առնչություն կունենան Մարտի 1-ի գործով, թե ինչ տեղի կունենա, եթե երբևիցե նրանցիից ինչ-որ մեկը համարձակություն ունենա պարոն Քոչարյանի վերաբերյալ կայացնել այնպիսի որոշում, որը վարչապետի կամ ԱԺ մեծամասնության սրտով չէ»։ Այս մասին հրավիրված մամուլի ասուլիսին հայտարարեց  ՀՀ երկորրդ նախագահ Ռոբերտ Քոչարյանի պաշտպանական խմբի անդամ Հայկ Ալումյանը։

Նրա գնահատմամբ, տեղի ունեցածը իշխանության երկու ճյուղերի կողմից ամենաբիրտ ճնշումն էր իշխանական երրոդ ճյուղի նկատմամբ։
«Սա աննախադեպ երևույթ էր, և սա ուղղակի դարձրեց ոչ լեգիտիմ հետագայկում կայացվելիք ցանկացած դատական ակտը, որը կլինի պարոն Քոչարյանի դեմ։ Այսինքն, ցանկացած դատական ակտ, որը կլինի կայացված նման ճնշման ներքո, ի սկզբանե ոչ լեգիտիմ է»,-հայտարարեց պաշտպանը։

Անդրադառնալով Ռոբերտ Քոչարյանի քրեական գործով առկա զարգացումներին, մասնավորապես անձնական երաշխավորությամբ Քոչարյանի խափանման միջոցը փոխելու, ինչպես նաև գործը կասեցնելու  ու ՍԴ  ուղարկելու որոշումները դատախազության կողմից վերաքննիչ դատարան բողոքարկելուն, փաստաբանը հայտարարեց, երկու որոշումներն էլ դատախազի կողմից բողոքարկման ենթակա չեն։

«Դատախազը ներկայացրել է բողոքներ, որի իրավունքը չուներ, այսինքն, դուրս է եկել լիազարությունների սահմանից։ Վերաքննիչ դատարանն իրավաւոնք չունի դրանք վարույթ  ընդունել, պարտավոր է թողնել դրանք առանց քննության, բայց բոլորիս համար հասկանալի է, որ այն ճնշումները, որոնք մենք տեսանք, վերաքննիչ դատարանի դատավորը շատ լավ պատկերացնում է, թե ինչ տեղի կունենա իր հետ, ինչ ճնշումների կենթարկվի ինքը, եթե հանկարծ կիրառի օրենքը, իսկ օրենքն ասում է, որ այդ բողոքները պետք է թողնվեն առանց քննության»,-ասաց Ալումյանը։

Նրա խոսքով, վերաքննիչ դատարանի դատավորն էլ կդառնա թիրախ, ինչպես ընդհանուր իրավասության դատարանի դատավոր Դավիթ Գրիգորյանը։
«Միգուցե ավելի բիրտ ճնշումների կենթարկվի, եթե իհարկե հնարավոր է պատկարեցնել ավելի բիրտ ճնշում, քան տեղի ունեցած դատավոր Գրիգորյանի դեպքում»,-ասաց Քոչարյանի փաստաբանը։

Բանախոսը չափազանց մտահոգիչ է համարում փաստը, որ դատախազի ներկայացրած երկու բողոքներն էլ հայտնվեցին միևնույն դատավորի վարույթում։

«Եթե մեզ փորձում են ապացուցել, որ բողոքների մակագրումը տեղի է ունենում համակարգչային եղանակով, պատահականության սկզբունքով, ապա ավելի քան անհավատալի է, որ երկու բողոքները պատահական հայտնվեցին նույն դատավորի վարույթում, ընդ որում այն դատավորի, ով մշատպես փաստաբանների կողմից վարկանշավորման արդյունքում ամենացածր տեղերում է եղել, մշտապես փաստաբաները նկատել են ու բարձրաձայնել, որ նա դատախազության ցանկությունները կատարող դատավոր է, երբևէ աչքի չի ընկել այնպիսի որոշումներով, որոնք կհակասեն դատախազության դիրքորոշմանը»,-ասաց նա։