Ձեր վստահելի աղբյուրը

Մեծ Բրիտանիայի թագուհի Եղիսաբեթ Երկրորդի ծննդյան 93-ամյակի առիթով Լոնդոնում կայանալու է զինվորական շքերթ։ ՏԱՍՍ-ի հաղորդմամբ, թագուհու ծննդյան օրը հանդիսավոր նշվում է հունիսի երկրորդ շաբաթը, չնայած ընտանեկան շրջապատում  Եղիսաբեթ Երկրորդը 93-ամյակը նշել է դեռ ապրիլի 21-ին։

Շքերը, որն  անցկացվում է 1748 թվականից,  ամեն անգամ տպավորում է հազարավոր հանդիսատեսի։ Թագուհու անձնակազմն անցնում է  Մել փողոցով դեպի Բուքինհեմյան պալատ, որից հետո թագավորական ընտանիքի անդամները հավաքվում են արքայական նստավայրի պատշգամբում, որպեսզի ողջունեն հավաքվածներին, շքերթի մասնակիցներին և թագավորական ռազմաօդային ուժերին, որոնք թռիչքներ են իրականացնում Լոնդոնի կենտրոնում։ Ի պատիվ թագուհու, լինելու է նաև հրավառություն։

Բրիտանական ԶԼՄ-երն ակնկալում են, որ հանդիսավոր արարողության հետ կապված ծննդաբերությունից հետո առաջին անգամ հանրության առջև դուրս կգա արքայազն Հարրիի կինը՝ Մեգան Մարքլը։ Եղիսաբեթ Երկրորդի ամուսինը՝ 97-ամյա Ֆիլիպը, հնարավոր է չմասնակցի արարողությանը։ Տարիքի պատճառով նա 2017 թվականին պաշտոնապես ավարտել է պաշտոնեական հանրային պարտականությունների կատարումը որպես թագավորական տան ներկայացուցիչ, այժմ նա է ընտրում այն միջոցառումները, որոնք  կայցելի թագուհու հետ միասին։

Ըստ ավանդույթի, թագուհին Եղիսաբեթ Երկրորը տարվա մեջ երկու անգամ է նշում ծննդյան օրը՝ մեկ անգամ ապիլին, երբ հենց լույս աշխարհ է եղել, մեկ անգամ հունիսին։ Այդ ավանդույթը սկիզբ է դրել Գևորգ Երկրորդը (1683-1760), որը ծնվել է նոյեմբերին, բայց կյանքի վերջում որոշել է, որ իր ծննդյան առիթով արարողությունը պետք է կայանա ամռանը, ոչ թե անգլիական աշնանային եղանակին։