Ձեր վստահելի աղբյուրը

ՀՀ մշակույթի փոխնախարար Տիգրան Գալստյանը կառավարության կառուցվածքային փոփոխություններից հետո այլևս չի զբաղեցնում այդ  պաշտոնը։ Ֆեյսբուքյան էջում նա գրել է. «Այս մեկ տարվա պաշտոնավարման ընթացքում ամենակարևոր ձեռքերումներն են.

«Զվարթնոց օդանավակայանին, Ռոսիա կինոթատրոնին, Մոսկվա կինոթատրոնի ամառային դահլիճին, Հանրապետության հրապարակի և Երիտասարդական մետրոյի կայարաններին, Գյումրու Աճեմյանի անվան թատրոնին և տասնյակ այլ կառույցներին պատմության և մշակույթի նորահայտ հուշարձանի կարգավիճակ տալը (այս հուշարձանների մեծ մասը նախկին ծրագրերով նախատեսված էր քանդել):
Կասեցվել է 1616 կառավարության որոշմամբ հաստատված (հավելված 2) Երևան քաղաքում տեղափոխման ենթակա հուշարձանների ցանկը (14 հուշարձան՝ այդ թվում Արամի 23):
Դադարեցվել է Ամբերդի պահպանական գոտում ռեստորանի կառուցումը:

Գեղարդի վանք և Ազատ գետի վերին հովիտին՝ որպես մարդկության համար բացառիկ կարևորություն ունեցող արժեք, ՅՈՒՆԵՍԿՕ-ի զինված ընդհարման դեպքում մշակութային արժեքների պաշտպանության մասին» ուժեղացված պաշտպանության է շնորհել:

2018 թվականին Մշակույթի նախարարութան ներքո գործող թանգարաններում մեկ տարվա ընթացքում եղել է ռեկորդային թվով այցելություններ։

Հաջողություն եմ մաղթում Նարինե Թուխիկյանին, որը նոր նախարարության կազմում մշակութային ժառանգության ոլորտը համակարգող նախարարի տեղակալ է նշանակվել:
Սիրով ծառայել եմ Հայաստանի Հանրապետությանը և անհրաժեշտության դեպքում նորից կշարունակեմ ծառայել»:

Հիշեցնենք, որ մշակույթի նախարարությունը միացել է կրթության, գիտության և սպորտի նախարարությանը։ Վարչապետ Նիկոլ Փաշինյանի որոշմամբ, Նարինե Խաչատուրյանը (Թուխիկյան), Արայիկ Խզմալյանը նշանակվել է կրթության, գիտության, մշակույթի և սպորտի փոխնախարարներ։ Նրանք համակարգելու են հենց մշակույթի ոլորտը։