Ոստիկանությունն անփաստարկ է որակում ոստիկանության պաշտոնյայի՝ կաշառք պահանջելու մասին լուրը (լրացված)

Հասարակություն 11:48 15/06/2019 Հայաստան

Ոստիկանությունն անփաստարկ է որակում ոստիկանության պաշտոնյայի՝ կաշառք պահանջելու մասին լուրը (լրացված)

ՀՀ ոստիկանությունն արձագանքել է լրատվամիջոցներում տարածված տեղեկատվությանն այն մասին, թե իբր ոստիկանության կազմակերպված հանցավորության դեմ պայքարի վարչության պետի տեղակալը սպառնում ու կաշառք է պահանջում տնտեսվարողներից:

Պարզաբանման մեջ, մասնավորապես ասված է.

«Լրատվամիջոցներում տեղեկատվություն է տարածվել, թե իբր ոստիկանության կազմակերպված հանցավորության դեմ պայքարի վարչության պետի տեղակալը սպառնում ու կաշառք է պահանջում տնտեսվարողներից:

Տեղեկատվությունը անփաստարկ է և չի համապատասխանում իրականությանը, չի հիմնավորվում գեթ մեկ օրինակով:

Չնայած դրան, ինչպես ցանկացած հրապարակային ահազանգի պարագայում, ոստիկանությունն այս դեպքում էլ պատրաստ է կոնկրետ փաստերի առկայության դեպքում անմիջապես ստուգումներ կատարել։ Ուստի եթե լրատվամիջոցը տնօրինում է կոնկրետ փատերի, ապա ոստիկանությունը կաշկանդված չէ եւ դրանք ներկայացնելու դեպքում համապատասխան քննություն կիրականացվի ու իրավական գնահատական կտրվի։ Իսկ մինչ այդ լրատվամիջոցներին կրկին ու կրկին կոչ ենք անում՝ զերծ մնալ պետական պաշտոնյաներին անփաստարկ մեղադրանքներ վերագրելուց, հրապարակումներ պատրաստելիս և հանրային հնչեղություն ունեցող հայտարարություններ անելուց առաջ համագործակցել համապատասխան կառույցների հետ և ձեռնպահ մնալ ընթերցողին թեական հրապարակումներով թյուրիմացություն մեջ գցելու գործելակերպից»:

Ավելի ուշ ոստիկանությունից հայտնեցին, որ ՀՀ ոստիկանության պետ Վալերիյ Օսիպյանի հանձնարարությամբ այսօր «Ժամանակ» օրաթերթում հրապարակված հոդվածի հիման վրա ոստիկանության ներքին անվտանգության վարչությունում նշանակվել է ծառայողական քննություն:

Հարակից հրապարակումներ`

«Ժամանակ». Կոռուպցիոն սկանդալ է հասունանում ՀՀ ոստիկանության շուրջ

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: