Ձեր վստահելի աղբյուրը

Խաչատուրյան քույրերի փաստաբանները բողոք են ներկայացրել ՌԴ քննչական կոմիտեի նախագահին կապված վերջնական մեղադրական եզարակացության հետ։ Աղջիկները մեղադրվել են իրենց հորը սպանության մեջ։

Նրանց մեղադրանք է առաջադրված նախնական համաձայնությամբ մի խումբ անձանց կողմից սպանություն հոդվածով։ news.ru-ի հաղորդմամբ, փաստաբաններն իրենց հայտարարությունում այդ որակավորումը գնահատել են «բոլոր հնարավորներից ամենածանրը»։

«Այդպիսով, քննությունն անփոփոխ է թողել աղջիկների գործողությունների որակավորումը, չնայած նրան, որ հետաքննության ընթացքում հաստատվել է, որ նրանք ապրել են բազմամյա հոգեբանական տրավմայի իրավիճակում։ Մի քանի տարի շարունակ Խաչատուրյանն աղջիկների նկատմամբ պարբերաբար ֆիզիկական և սեռական  բռնություն է կիրառել՝ օգտվելով իրենից կախված լինելուց։ Հոր գործողությունները լուրջ վնաս են հասցրել աղջիկների հոգեբանությանը, ինչը հաստատվում է  փորձագետների եզրակացություններով»,- նշված է հայտարարության մեջ։

ՌԴ քննչական կոմիտեն հայտնել էր, որ 2018 թ. հուլիսի 27-ին Ալտուֆևյան մայրուղու բազմահարկերից մեկի մուտքում հայտնաբերվել է  57-ամյա Միխայիլ Խաչատուրյանի մարմինը՝ պարանոցի և կրծքավանդակի շրջանում դանակի բազմաթիվ հարվածներով։  ՔԿ  տվյալներով, նրան դանակով հարվածներ են հասցրել երեք աղջիկները։ Նրանց  մեղադրանք է առաջադրված։  Աղջիկները հաստատում են, որ տղամարդը, գտնվելով թմրամիջոցի ազդեցության տակ, առաջինն է հարձակվել  նրանց վրա դանակով, նրանք էլ պաշտպանվել են։ Հարցաննությանն աղջիկները խոստովանել են մեղքն ու պարզաբանել, որ իրենց  և իրենց հոր միջև թշնամական հարաբերություններ էին հաստատվել այն պատճառով, որ նա երկար ժամանակ իրենց բարոյական տառապանքներ է պատճառել։ Խաչատուրյան քույրերը  օգոստոսի 2-ից կալանավորված էին։ Փորձագետները Քրիստինային և Անգելինային ճանաչվել էին մեղսունակ։ Խաչատուրյան քույրերից կրտսերը՝ 17-ամյա Մարիան, հոր սպանության պահին անմեղսունակ է ճանաչվել։  Սեպտեմբերի 27-ին Մոսկվայի Բասմաննի դատարանը փոխել էր  Խաչատուրյան երեք քույրերի խափանման միջոցը կալանքը և ընտրել  որոշակի գործողություններ կատարելու արգելքը։ Մինչև դատարանի վճիռը նրանք պետք է ապրեն առանձին, նրանց արգելված է շփվել  միմյանց հետ։