Ռուստամ Բադասյանը նշանակվել է արդարադատության նախարար
Նախագահ Արմեն Սարգսյանի հրամանագրով Ռուստամ Բադասյանը նշանակվել է արդարադատության նախարար:
Հրամանագրում մասնավորապես ասված է.
«Հիմք ընդունելով վարչապետի առաջարկությունը` համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 5-րդ հոդվածի 1-ին մասի.
Ռուստամ Բադասյանին նշանակել արդարադատության նախարար»:
Ռուստամ Բադասյանը մինչ այս զբաղեցրել է ՊԵԿ նախագահի տեղակալի պաշտոնը: Նա ծնվել է 1991թ. հունվարի 27-ին, Երևան քաղաքում:
Կրթությունը
2011 թվականին Ռուստամ Բադասյանն ավարտել է Երևանի Պետական Համալասարանի Իրավագիտության ֆակուլտետը բակալավրի աստիճանով
2013 թվականին ավարտել է ՀՀ Գիտությունների Ազգային Ակադեմիայի Գիտակրթական միջազգային կենտրոնի Իրավագիտության ֆակուլտետը՝ մագիստրոսի աստիճանով
2015 թվականին ավարտել է ՀՀ Փաստաբանական դպրոցը և ստացել փաստաբանական գործունեության արտոնագիր
Աշխատանքային գործունեությունը
2012-2013 թթ. – ՀՀ կառավարությանն առընթեր պետական եկամուտների կոմիտեի Շենգավիթի հարկային տեսչության իրավաբանական և հարկադիր գանձումների բաժնում որպես առաջատար մասնագետ
2013-2014 թթ. – ՀՀ կառավարությանն առընթեր պետական եկամուտների կոմիտեի հետաքննության վարչություն (ներկայումս՝ Իրավախախտումների հայտնաբերման և վարչական վարույթների իրականցման վարչություն) որպես հետաքննիչ
2014-2015 թթ. – Վիրտուլեքս իրավաբանական գրասենյակում որպես ավագ իրավաբան
2015թ. մայիսից մինչև 21.05.2018 ֊ «Կոնցեռն-Դիալոգ» փաստաբանական գրասենյակ, իրավաբան, ավագ իրավաբան, գործընկեր: Մասնագիտացում՝ հարկային իրավունք, տնտեսական հանցագործություններ, մրցակցություն
Իրականացրած գործունեությունը
Երկու միլիարդից ավելի գումարով ստուգման ակտի անվավեր ճանաչում վարչական կարգով բողոքարկման արդյունքում, որը վերաբերում էր ոչ ռեզիդենտի մասնաճյուղի կողմից ոչ ռեզիդենտի փոխարեն ԱԱՀ պարտականություն կրելու հարցին
Ստուգման ակտի վիճարկում, որով քննարկվում էր ԱԱՀ ծագման պահը: Ստուգման ակտն անվավեր է ճանաչվել դատական բողոքարկման արդյունքում, որով նաև արձանագրվել է ԱԱՀ֊ի ծագման պահի որոշման առանձնահատկությունները այն պարագայում, երբ ամսվա վերջին օրվա դրությամբ ծառայություն մատուցողին պարզ չէ իր կողմից մատուցված ծառայության ծավալը
Հակասրճարանների հարկման համակարգի մասով ծագած վեճով ստուգման ակտի բողոքարկման արդյունքում հաստատվել է տնտեսվարողի իրավունքը աշխատել շրջանառության հարկի դաշտում՝ բացառելով հանրային սննդի գործունեությամբ զբաղվելու մեկնաբանությունը
Մասնակցել է ՊԵԿ֊ի դեմ հարկային վեճով (գերավճարի վերաբերյալ) որպես ներկայացուցիչ թե արտադատական կարգով, թե ՀՀ վարչական դատարանում: Կատարված աշխատանքի արդյունքում ՀՀ վարչական դատարանի վճռով հիմնավորված է համարվել մոտ 30.000.000 ՀՀ դրամի չափով գերավճարի առկայությունը և ՀՀ ֆինանսների նախարարության վրա պարտականություն է դրվել կազմել և տալ համապատասխան եզրակացություն
Մասնակցություն բազմաթիվ այլ հարկային վեճերով, հարկային օրենսդրության հակասահմանադրական դրույթների մասով (անհուսալի դեբիտորական և կրեդիտորական պարտքերի առնչությամբ) նախապատրաստված վերլուծության հիման վրա ՀՀ Սահմանադրական դատարան է ներկայացվել դիմում, որը գտնվում է քննության փուլում
Ուղեկցել է խոշոր գործարքների իրավական ուղեկցում՝ հարկային հարցերի մասով, այդ թվում՝ հանքարդյունաբերությամբ զբաղվող ընկերության ձեռքբերման, եվրոբոնդերի թողարկման գործարքների մասով
ՀՀ հարկային համակարգին վերաբերող ձեռնարկների հեղինակ
Մասնակցությունները միություններին և մասնագիտական կազմակերպություններին
ՀՀ փաստաբանների պալատ, 2015թ.-ից
Այլ տվյալներ
Տիրապետում է անգլերեն և ռուսերեն լեզուներին
Անձնական տվյալներ
Ամուսնացած է
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
