Ձեր վստահելի աղբյուրը

Հայաստանի արտաքին գործերի նախարար Զոհրաբ Մնացականյանը Վաշինգտոնում հանդիպել է ԱՄՆ նախագահ Դոնալդ Թրամփի անվտանգության հարցերով խորհրդական Ջոն Բոլթոնին։

Հանդիպումից հետո թվիթերում ԱԳ նախարարը գրել է, որ Բոլթոնի հետ ունեցել է դրական, ընդարձակ ու ընդգրկուն  քննարկումներ՝ Լեռնային Ղարաբաղի  խաղաղ կարգավորման գործընթացի, Հայաստանի ու տարածաշրջանային խաղաղության ու անվտանգության օրակարգի շուրջ, ինչպես նաև Հայաստան-ԱՄՆ երկկողմ համագործակցության վերաբերյալ:

«ԱՄՆ-ը կարևոր դերակատարություն ունի որպես ԵԱՀԿ Մինսկի խմբի համանախագահ երկիր`Ռուսաստանի ու Ֆրանսիայի հետ միասին»,-գրել է ԱԳ նախարարը։

Նշենք, որ Ջոն Բոլթոնը հանդիպելու է նաև Ադրբեջանի ԱԳ նախարար Էլմար Մամեդյարովի հետ։ Այսօր տեղի կունենա նաև Հայաստանի և Ադրբեջանի ԱԳ նախարարների հանդիպումը։

Pleased with positive, extensive & engaging discussion w/ Amb. Bolton on #NagornoKarabakh peaceful resolution process, #Armenia's and regional peace & security agenda, as well as #Armenia-#US bilateral coop. US plays important role as #OSCE MG CoChair along w/ #Russia and #France pic.twitter.com/NCAysYkvRA

— Zohrab Mnatsakanyan (@ZMnatsakanyan) June 20, 2019