Ձեր վստահելի աղբյուրը

System of a Down ռոք խմբի առջնորդ Սերժ Թանկյանն իր աջակցությունն է հայտնել Մոսկվայում նախորդ տարի իրենց հորը  սպանած Խաչատուրյան քույրերին։

Նրանց հետ կատարվածը Թանկյանը որակել է ողբերգություն, իրավապահ մարմիններին կոչ է արել նրանցներողամիտ լինել։

Հիշեցնենք, որ հունիսի 14-ին քույրերին վերջնական մեղադրանք է առաջադրվել։

Այժմ էլ change.org կայքում ստորագրահավաք է իրականացվում՝ «Պահանջում ենք դադարեցնել Խաչատուրյան քույրերի նկատմամբ հարուցված քրեական գործը» պահանջով։ Դրա ներքո ստորագրել է ավելի քան 151 հազար 500 մարդ։

2018 թ. հուլիսի 27-ին Ալտուֆևյան մայրուղու բազմահարկերից մեկի մուտքում հայտնաբերվել է  57-ամյա Միխայիլ Խաչատուրյանի մարմինը՝ պարանոցի և կրծքավանդակի շրջանում դանակի բազմաթիվ հարվածներով։  ՔԿ  տվյալներով, նրան դանակով հարվածներ են հասցրել երեք աղջիկները։ Նրանց  մեղադրանք է առաջադրված։  Աղջիկները հաստատում են, որ տղամարդը, գտնվելով թմրամիջոցի ազդեցության տակ, առաջինն է հարձակվել  նրանց վրա դանակով, նրանք էլ պաշտպանվել են։ Հարցաքննությանն աղջիկները խոստովանել են մեղքն ու պարզաբանել, որ իրենց  և իրենց հոր միջև թշնամական հարաբերություններ էին հաստատվել այն պատճառով, որ նա երկար ժամանակ իրենց բարոյական տառապանքներ է պատճառել։ Խաչատուրյան քույրերը  օգոստոսի 2-ից կալանավորված էին։ Փորձագետները Քրիստինային և Անգելինային ճանաչվել էին մեղսունակ։ Խաչատուրյան քույրերից կրտսերը՝ 17-ամյա Մարիան, հոր սպանության պահին անմեղսունակ է ճանաչվել։  Սեպտեմբերի 27-ին Մոսկվայի Բասմաննի դատարանը փոխել էր  Խաչատուրյան երեք քույրերի խափանման միջոցը կալանքը և ընտրել  որոշակի գործողություններ կատարելու արգելքը։ Մինչև դատարանի վճիռը նրանք պետք է ապրեն առանձին, նրանց արգելված է շփվել  միմյանց հետ, օգտվել  բջջային հեռախոսից և ինտերնետից, գիշերը տանից դուրս գալ։

Նշվում է, որ հայրը ֆիզիկական, նաև սեռական բռնության է ենթարկել դուստրերին։