Ձեր վստահելի աղբյուրը

«Երևի իմ անցած ճանապարհը, իմ նկատմամբ անձնական վերաբերմունքը, կարծում եմ նաև այն հանգամանքը, որ հավանաբար այս իշխանությունները կարծում են, որ 2008-ին հաջողության չեն հասել իմ պատճառով»,-TV5-ին տված հարցազրույցում, ի պատասան հարցի` թե ինչու հեղափոխությունից հետո հենց Ռոբերտ Քոչարյանը ենթարկվեց հետապնդման, հայտարարեց ՀՀ երկրորդ նախագահը:

Հնարավո՞ր է նրա նկատմամբ հետապնդման առիթ հանդիսացավ 2008-ի ապրիլին ռուսական հեռուստաընկերությանը տված հարցազրույցը, որի ժամանակ ՀՀ երկրորդ նախագահը հայտարարել էր, որ իշխանությունը փողոցում ընկած ճամպրուկ չէ, որ վերցնես ու փոխանցես: Գուցե անհանգստացա՞ն, որ Ռոբերտ Քոչարյանը կվերադառնա քաղաքականություն: Լրագրողի այս հարցերին ի պատասխան, ՀՀ երկրրոդ նախագահն ասաց. «Իմ կարծիքով, նրանք արեցին ամեն ինչ իմ քաղաքականություն վերադառնալու համար: Եթե իշխանությունը մեկ հարցազրույցի համար նման քայլերի է գնում, ապա վիճակը Հայաստանում շատ տխուր է, քան կարելի է ենթադրել»:

Դիտարկմանը, թե մարդիկ կան, որ կարծում են, Քոչարյանի նկատմամբ իրականացվող հետապնդումը Նիկոլ Փաշինյանի վրեժխնդրության հետևանք է, կա նաև տեսակետ, որ այսօրվա իշխանությունների վրա այս հարցով դրսից ճնշում կա, Ռոբերտ Քոչարյանը պատասխանեց` «երկու տարբերակն էլ կա»:

«Կարծում եմ, որ և-և տարբերակն ավելի խորհրդանշական է: Այսօրվա վարչապետն ուղղակի պատասխանատվություն է կրում 2008 թվականի մարտի 1-ի մասայական անկարգությունների համար: Երևի կցանկանար խմբագրել պատմությունը, մեղավոր փնտրել այդ իրադարձությունների համար, և իր պատկերացումներով այդ ես եմ»,-ասաց Ռոբերտ Քոչարյանը:

Նա ենթադրում է, որ կա նաև արտաքին ճնշում, քանի որ, ինչպես ինքը ներկայացրեց, իր անցած ճանապարհը, իր տեսակը Արցախի հարցի կարգավորման կոնտեքստում որոշակի անհանգստություն կարող է առաջացնել այն ուժերի շրջանում, որոնք հարցի կարգավորման ոչ հայանպաստ տարբերակի կողմնակից են:

Անդրադառնալով իր կողմից Մեղրին ադրբեջանցիներին հանձնելու վերաբերյալ  մեղադրանքներին, Ռոբերտ Քոչարյանը հիշեցրեց, երբ ստանձնել է Արցախի ղեկավարումը, Լեռնային Ղարաբաղաի Ինքանավար մարզի տարածքի ուղիղ կեսը օկուպացված էր զինուժով:

«Ավարտվեց պատերազմը, ազատագրվեց ոչ միայն Արցախը, այլև յոթ շրջան: Ես հող հանձնող չեմ, ես հող ազատագրող եմ, Արցախի ղեկավարման տարիներին, ինչպես ասացի, յոթ շրջան ենք ազատագրել, միացրել Արցախին, ստեղծել անվտանգության գոտի, որոնք այսօր Ղարաբաղի անվտանգության չափազանց կարևոր բաղկացուցիչ մասն են կազմում: Եվ ամեն մարդու աշխատանքի էֆեկտիվությունը պետք է գնահատել այս տեսանկյունից, թե ինչ վիճակում է ընդունել և ինչ վիճակում հանձնել»,-ասաց նա: