Ձեր վստահելի աղբյուրը

«Մեր հարաբերությունները զուտ աշխատանքային են՝ քաղաքապետ-մարզպետ, բոլոր համայքների ղեկավարների հետ ստացվում է աշխատելը, եթե պատրաստ են աշխատելու»,-  լրագրողների հետ զրույցում ասաց Արարատի մարզպետ Գարիկ Սարգսյանը՝ պատասխանելով իր ու Մասիսի քաղաքապետ Դավիթ Համբարձումյանի հարաբերությունների մասին հարցին։

Ինչ վերաբերում է իր պաշտոնանկության մասին  լուրերին, Գ. Սարգսյանն ասաց, որ այդ հարցին կարող է պատասխանել միայն վարչապետը։

Հարցին, թե ինչո՞ւ չի առաջադրվել «Քաղաքացիական պայմանագիր» կուսակցության վարչության անդամ, Գարիկ Սարգսյանն ասաց, որ դա իր որոշումն է եղել դեռևս 2016 թվականից։

«Կուսակցական շարքերը պետք է առաջ գան, հետ գնան, մարդիկ հնարավորություն ունենան առաջադրվելու ու, քանի որ տեղերը սահմանափակ են, մենք պետք է հնարավորություն տանք մեր մյուս կուսակցական ընկերներին նույնպես լինելու վարչության անդամ», - նշեց ՔՊ-ական  մարզպետը։

Խոսելով մարզում ներդրումային ծրագրերի մասին, նա ասաց, որ  լինում են ոչ միայն բիզինես շահեր  և շահույթ հետապնդող նախագծեր, նաև բարեգործական, խոշոր մասշտաբի ծրագրեր կան։ Նա հայտնեց, որ արդեն սկսվել է գյուղատնտեսական շուկայի կառուցումը, ունեն մեկ խոշոր նախագիծ, որի մասին կխոսեն, երբ սկսեն։

Հարցին, թե կոկորդիլոսաբուծարանի հետ կապված  ո՞վ է ներդում անելու, ինչքա՞ն գումար է, ե՞րբ պատրաստ կլինի, Գ. Սարգսյանն ասաց, որ ներդրումը կատարելու է «Արմոն» ՍՊԸ-ն։

«Կարծում եմ այդ թեման իրեն սպառել է»,- նշեց նա։