Ձեր վստահելի աղբյուրը

«Երևանում կան շատ կանգառներ, որոնք  խայտառակ վիճակում են գտնվում, մարդու տրամադրությունը հենց առավոտից փչանում է, երբ այդ կանգառները տեսնում է»,- Երևանի ավագանու նիստում ասաց ԲՀԿ խմբակցության անդամ Լյուդմիլա Սարգսյանը։

Նա նշեց, որ ոչ մեծ ծասերով կարելի է բարեկարգել այդ կանգառները։

Երևանի քաղաքապետ Հայկ Մարությանն ասաց, որ կանգառների վերջնական լուծումը պայմանավորված է տրանսպորտային ցանցի վեջնական լուծմամբ, բոլոր կանգառները, որոնք կան, նաև ավելանալու են, պետք է նորմալ վիճակի բերվեն, համապատասխանեն միջազգային չափանիշներին։ Նա նշեց, որ դրանց լուծումն ավելի շուտ կլինի, քան տրանսպորտային ցանցի, քանի որ դրանք պետք է կահավորված լինեն, ճիշտ վայրում, որ նոր ցանցը շահագործվի։

«Այս ուղղությամբ ունենք գույքագրում, մեկ առ մեկ, թե որ կանգառն ինչ ձևով ձևափոխենք»,- ասաց Մարությանը։

Նա նշեց, որ կարելի է մի քանի դեպքում բացառություն անել, բայց համակարգային լուծումը լինելու է։