Ձեր վստահելի աղբյուրը

Աշխարհի 160 երկրի ավելի քան 10.000 ուսանող մարզիկներ հուլիսի 3-14-ը Իտալիայի մայրաքաղաք Նեապոլում պայքարելու են ամառային 30-րդ Համաշխարհային ունիվերսիադայի մեդալների համար:

ՀՀ ուսանողական մարզական ֆեդերացիան, 1995 թվականից հանդիսանալով համալսարանական սպորտի միջազգային ֆեդերացիայի լիիրավ անդամ, պատվիրակություն ներկայացնելու իրավունք է ստացել:

ՀՀ Կրթության, գիտության, մշակույթի և սպորտի նախարարությունը տեղեկացրել է, որ Հայաստանի ուսանողական մարզական պատվիրակության կազմում ընդգրկված է 19 մարդ (14 մարզիկ, 4 մարզիչ, 1 պաշտոնատար անձ): Հայաստանը ներկայացուցիչներ կունենա աթլետիկայի (2 մարզիկ), ձյուդոյի (2 մարզիկ, 1 մարզիչ), սուսերամարտի (1), թաեքվանդոյի (3 մարզիկ, 1 մարզիչ), հրաձգության (3 մարզիկ), սպորտային մարմնամարզության (1 մարզիկ, 1 մարզիչ), ջրացատկի (2 մարզիկ, 1 մարզիչ) մրցումներում:

Նեապոլ մեկնող մարզիկները և մարզիչները տվյալ մարզաձևերի ազգային ֆեդերացիաների կողմից տրամադրված լավագույն արդյունքներ ցուցաբերած ներկայացուցիչներն են: Պատվիրակության ղեկավարն է Հայաստանի ուսանողական մարզական ֆեդերացիայի գլխավոր քարտուղար Հովհաննես Գաբրիելյանը:

Պատվիրակության անդամներից երեքի (պատվիրակության ղեկավար, սուսերամարտի 1 մարզուհի և ջրացատկի 1 մարզիկ) տրանսպորտային և մասնակցության ծախսերն իր վրա է վերցրել համալսարանական սպորտի միջազգային ֆեդերացիան: Այս 3 ներկայացուցիչների մյուս ծախսերը ընդգրկված են պետական ֆինանսավորման մեջ:

ՀՀ ուսանողական մարզական պատվիրակության կազմը

Հրաչյա Չանդիրյան – մարզիչ, ջրացատկ
Լև Սարգսյան – մարզիկ, ջրացատկ
Վլադիմիր Հարությունյան - մարզիկ, ջրացատկ
Էմմա Պողոսովա – մարզիկ, սուսերամարտ
Էլմիրա Կարապետյան – մարզիկ, հրաձգություն
Զավեն Իգիթյան - մարզիկ, հրաձգություն
Հրաչ Բաբայան - մարզիկ, հրաձգություն
Երվանդ Մկրտչյան – մարզիկ, աթլետիկա
Լևոն Աղասյան – մարզիկ, աթլետիկա
Հայկ Նազարյան – մարզիչ, մարմնամարզություն
Արթուր Ավետիսյան – մարզիկ, մարմնամարզություն
Գոռ Մկրտչյան – մարզիչ, ձյուդո
Բորիս Շատվերյան – մարզիկ, ձյուդո
Սամվել Խաչատրյան – մարզիկ, ձյուդո
Զորայր Մեկինյան – մարզիչ, թաեքվոնդո
Սերգեյ Վարդազարյան – մարզիկ, թաեքվոնդո
Սերգեյ Ավանեսով - մարզիկ, թաեքվոնդո
Արսեն Գրիգորյան - մարզիկ, թաեքվոնդո
Հովհաննես Գաբրիելյան – ղեկավար
Մեր ներկայացուցիչները Նեապոլ են մեկնելու սկսած հունիսի 29-ից, իսկ վերջին մասնակցի վերադարձը նախանշված է հուլիսի 14-ին: