Արա Ղազարյան. ՍԴ որոշման մեջ զարմանալի բան չկա. Վահե Գրիգորյանը շահագրգիռ անձ է
«Իրավաբանորեն այս որոշման մեջ որևէ զարմանալի բան չկա, որովհետեւ Վահե Գրիգորյանը, լինելով տուժողների իրավահաջորդների ներկայացուցիչ, բնականաբար շահագրգիռ անձ է եև ունի շահերի բախում, վստահ եմ՝ ինքն էլ դա գիտակցում է»,- «Փաստինֆո»-ի հետ զրույցում այս կարծիքն է հայտնել փաստաբան Արա Ղազարյանը՝ անդրադառնալով Սահմանադրական դատարանի երեկվա որոշմանը։
Հիշեցնենք, որ Սահմանդրական դատարանի աշխատակարգային որոշման համաձայն, ՍԴ նորընտիր դատավոր Վահե Գրիգորյնանը չի կարող մասնակցել Ռոբերտ Քոչարյանի և Յուրի Խաչատուրովի դիմումների քննությանը Սահմանադրական դատարանում, քանի որ, ինչպես նշվում է հիմնավորման մեջ, նա կանխակալ վերաբերմունք ունի որպես դիմող հանդես եկող սահմանադրական դատավարության մասնակիցների նկատմամբ, ինչպես նաև մասնակցել է հիշյալ գործերի քննությանն այլ դատարաններում:
Ըստ Արա Ղազարյանի՝ սա բխում է նաև փաստաբանների վարքագծի կանոնակարգից. «Եթե նայենք Փաստաբանների վարքագծի կանոնակարգին, ապա նման նորմեր կան. եթե անձը ունի շահերի բախում, ապա վարույթին չպետք է մասնակցի»։
Փաստաբանը կարծում է, որ նույն սկզբունքով նա չպետք է մասնակցի նաև Երեւանի ընդհանուր իրավասության դատարանի դատավոր Դավիթ Գրիգորյանի դիմումի քննարկմանը ՍԴ-ում, եթե պարզ դառնա, որ այդ դիմումը ՍԴ-ն վարույթ է ընդունել. «Եթե շահարգիռ անձ է, և կանխակալ կարծիք ունի կամ արդեն հայտնել է իր կարծքը, ապա այո, դրան եւս չպետք է մասնակցի»։
Ինչ վերաբերում է ՍԴ-ի շուրջ ծավալված քննարկումներին, փաստաբանն այդտեղ խնդիր չի տեսնում. «Ես երբեք չեմ համարել, որ ՍԴ-ի շուրջ խնդիր է գոյացել, այսինքն՝ խնդիր չկա, որ ես ելքը տեսնեմ, նոր Սահմանադրությամբ այդ խնդիրը հստակորեն կանոնակարգված է, և 213-րդ հոդվածով նշված է, որ դատավորները, ովքեր ընտրվել են դեռ նախկին Սահմանադրությամբ, շարունակելու են պաշտոնավարել մինչ օրենքով սահմանված ժամկետի ավարտը»։
Հոդվածն ամբողջությամբ՝ սկզբնաղբյուր կայքում։
Լրահոս
Տեսանյութեր
Թալանում ու թալանում են , խաբելով, ստով ո՞ւմ փորն է կշտանում. Քաղաքացիները՝ թանկացումների մասին
