Ձեր վստահելի աղբյուրը

«Լուսավոր Հայաստան» խմբակցության պատգամավոր Արման Բաբաջանյանն այսօր ԱԺ արտահերթ նիստին Անշարժ գույքի պետական կադաստրի ղեկավար Սարհատ Պետրոսյանից հետաքրքրվեց Սյունիքի նախկին մարզպետ Սուրիկ Խաչատրյանի՝ Երևանում  կառուցած առանձնատնից։

«Հսկայական տուն է կառուցել Երևանի ուղղակի հայացքի ներքո՝ առանց այդ իրավունքի, ի՞նչ է արվելու այդ դեպքում»,- հարցրեց նա։

Ի պատասխան Պետրոսյանն ասաց. «Կադաստրի կոմիտեն պարտավոր է համայնքին տալ տեղեկատվություն։ Իմ ողջ պաշտոնավորման ընթացքում, որ չեմ դիմացել գայթակղությանը և արտահայտվել եմ  նախկին պաշտոնյաների ունեցվածքի մասին, դա հենց Ձեր նշած գույքի մասին է։ Այդ գույքը գրանցվել է երկու օր առաջ միայն։ Մինչև այս պահը այն ինքնակամ շինություն էր համարվում՝ համապատասխան վճարումներ կատարելով Երևան քաղաքի բյուջեին, այդ գույքը գրանցվել է երկու օր առաջ։ Ես չէ, որ պետք է ասեմ, թե ինչ պետք է արվի այդ գույքի հետ, բայց  պատրաստ ենք աջակցել իրավական որոշմանը՝ տվյալ գույքի հետ կապված»։