Ձեր վստահելի աղբյուրը

Հուլիսի 3-ին՝ ծիրանի ֆեերիայի կիզակետին, որը պարգևում է Հայաստանի առատաձեռն բնությունը, Երևանի կոնյակի գործարանը ներկայացրեց ARARAT Apricot նորարարական խմիչքը:

ARARAT-ի շարքի մեջ բացառիկ ARARAT Apricot-ն ավանդույթնների և վարպետության նոր արևային բեկումն է: ARARAT Apricot-ը ստեղծված է 6 տարվա հնացման ARARAT կոնյակի հիմքով, որի օրգանոլեպտիկ հարստությունը լրացված է ծիրանի նուրբ համով:



130 տարվա պատմության մեջ առաջին անգամ ARARAT-ի կոնյակագործներն իրենց անգերազանցելի վարպետությունը կիրառել են ամբողջովին անսպասելի և Հայաստանի խորհրդանիշների՝ ARARAT կոնյակի և ծիրանի առավել նրբագեղ համադրության մեջ: Նման համադրության ներդաշնակությունը կանխորոշված էր պատմությամբ, քանզի լեգենդար հայկական կոնյակը, բծախնդրորեն հետևելով ավանդույթներին և պահպանելով անվերապահ վավերականությունը, չէր կարող չմիավորվել Արարատյան դաշտավայրի ամենաառատաձեռն պարգևներից մեկի՝ ծիրանի հետ:

 
Հնագույն ժամանակներից ի վեր Հայաստանում աճող այս բացառիկ միրգն աշխարհում հայտնի է որպես “Prunus Armeniaca (լատ.)” կամ «Հայկական սալոր», ինչի մասին բազմիցս հիշատակվել է ինչպես ականավոր պատմաբանների, այնպես էլ հռոմեացի հրամանատարների վկայություններում: Համային նոր չափանիշ սահմանող 35% թնդությամբ ARARAT Apricot-ն ունի անսպասելիորեն փափուկ համ, որտեղ կոնյակի ավանդական օրգանոլեպտիկ հատկանիշները նրբագեղորեն զարդարված են ծիրանի երանգներով:

«Հայտնի ապրանքանիշերի կողմից համային եզրերի ընդլայնումը ոլորտի զարգացման նոր ուղղությունն է: ARARAT-ը՝ որպես ամբողջ աշխարհում առավել հայտնի հայկական կոնյակ, չէր կարող ետ մնալ այս համաշխարհային միտումից: Եվ իհարկե, մեր առաջարկը պետք է լիներ առավելագույնս աութենտիկ և ամենաքմահաճ սպառողի պահանջներին համապատասխանող: Այս նորարարական հավաքածուի նոր արտադրանքի ստեղծման համար մոտ երկու տարի պահանջվեց, քանի որ չնայած ARARAT կոնյակների և ծիրանի ակնհայտ ներդաշնակությանը, մեզ համար կարևոր էր գտնել համադրություններից  ամենանրբագեղը: Շնորհիվ մեր վարպետների փորձի և սրտատրոփ վերաբերմունքի, որով նրանք աշխատել են այս արտադրանքի վրա, մենք այսօր ներկայացնում ենք հայկական առատաձեռն բնության մեր մեծարանքը՝ լեգենդար հայկական կոնյակի ամբողջովին նոր համային եզրը, որն արժանվույնս կգնահատեն ոչ միայն Հայաստանում, այլև ամբողջ աշխարհում»,- ասում է Երևանի կոնյակի գործարանի գործադիր տնօրեն Անի Բերիաշվիլին:

«Ընդգծել ձեր շքեղության ամենաարևային եզրը և խմիչքը վայելել կարելի է ինչպես մաքուր, սառեցված տեսքով, այնպես էլ վառ ներկապնակի թարմեցնող կոկտեյլների միջոցով, որոնք մշակվել են հատուկ ARARAT Apricot-ի համար: Բոլոր կոկտեյլների բաղադրատոմսերը հասանելի են այստեղ՝ www.araratbrandy.com»,-նշում են ընկերությունից։