Ձեր վստահելի աղբյուրը

Դատավորների ընդհանուր ժողովը հայտարարությամբ հանդես կգա ՀՀ Սահմանադրական դատարանի նորընտիր դատավոր Վահե Գրիգորյանի նամակի վերաբերյալ։ Լրագրողների հետ զրույցում ասաց Դատական դեպարտամենտի ղեկավար Կարեն Փոլադյանը։

Հարցին, թե Վահե Գրիգորյանից նամակ ստացել եք, ի՞նչ կասեք սրա մասին, նա պատասխանեց. «Այդ մասին քիչ հետո Ընդհանուր ժողովը հայտարարություն կանի։ Դիմումի քննարկումը Ընդհանուր ժողովի տիրույթում է, սպասենք, տեսնենք, ինչ է ասում Ընդհանուր ժողովը»,- նշեց նա։

Հարցին, թե Ձեր կարծիքով ՍԴ-ում ճգնաժամ կա, Կ. Փոլադյանն ասաց. «Այդ մասին որևէ բան չեմ կարծում»։

Հիշեցնենք, որ ՀՀ Սահմանադրական դատարանի նորընտիր դատավոր Վահե Գրիգորյանն Սահմանադրական դատարանի շուրջ ստեղծված իրավիճակը ճգնաժամային է բնորոշում: Գրիգորյանը ՀՀ նախագահին, Ազգային ժողովին, կառավարությանը, դատավորների ընդհանուր ժողովին, ՍԴ անդամներին ու դատավորին ուղղված իր նամակում նշել է ճգնաժամի հիմքերն ու պատճառները:

Այսօր Երևանի ընդհանուր իրավասության դատարանի Աջափնյակի նստավայրում  կայանալու է Դատավորների ընդհանուր ժողովը։