Գեղարքունիքի մարզպետը լողաց Սևանա լճում
«Վերջին օրերին Սևան լճի մի շարք հատվածներում, որտեղ մեկ շաբաթ առաջ կամ 10 օր առաջ նկատվել էր ջրիմուռների հսկայական աճ, նվազման միտում ունենք, կանաչավուն գույնն արդեն նահանջել է»,- լրագրողների հետ զրույցում ասաց Գեղարքունիքի մարզպետ Գնել Սանոսյանը, ով Սևանի լողափերի տնտեսվարողների հետ Սևանա լճի հանրային լողափերից մեկում է՝ ցույց տալու, որ ինչպես այս, նաև այլ մասնավոր լողափերում խնդիր չկա, լճի ջուրն անվտանգ է։
«Լիճն ամբողջոթյամբ մաքուր չէ, բայց ամբողջությամբ կեղտոտ չէ։ Որոշ հատվածներում խնդիր կա։ Այնպիսի տպավորություն է, որ լիճն ամբողջական նման պատկեր ունի։ Որոշ հատվածներում կա խնդիր, բայց այդ հատվածներում խնդիրը նվազել է»,- ասաց մարզպետը։
Գ. Սանոսյանն ասաց, որ լճում խնդիրը նվազել է ինքնամաքրաման արդյունքում։
«1960-ականներից այդ պրոցեսը կա, սակայն այդ մասին իմանում էին միայն ափին ապրողները։ Սեպտեմբերին էր լինում։ Հիմա տարբեր գործոններով պայմանավորված սեզոնայնությունը փոխվել է, հիմա հունիս-հուլիսին է կանաչում»,- նշեց մարզպետը։
Ինչ վերաբերում է լճից ջուրը խմելուն ու նաև այդպես ապացուցելու, որ այն մաքուր է, Գ. Սանոսյանն ասաց, որ իրեն չի թվում՝ պետք է խմելով ամեն անգամ ապացուցել, որ լճի ջուրը որակական խնդիր չունի։
«Պետք չէ որևէ մեկը նման քայլի գնա։ Լողալու որևէ խնդիր չկա, պատրաստ եմ լողալ»,- ասաց մարզպետը։
Որոշ ժամանակ անց նա լողազգեստը հագած եկավ, այժմ Սևանի լողափերի տնտեսվարողների հետ լողում է լճում։ Նրանց է միացել նաև «Սևան» ազգային պարկի տնօրեն Վահե Գուլանյանը։
Հիշեցնենք, որ Սևանա լճի լողափերի տնտեսվարողներն այսօր Սևանի քաղաքապետարանի դիմաց բողոքի ակցիա են իրականացրել։ Տնտեսարողները համաձայն չեն, որ Սևանը վտանգավոր է լողալու համար, նման հայտարարությունների պատճառով զբոսաշրջիկներ չեր այցելում լիճ։ Նրանք պահանջում են՝ կառավարության ներկայացուցիչները հայտարարեն, որ Սևանում լողալը վտանգավոր չէ։ Նրանք որոշել էին փակել Երևան-Սևան ճանապարհը: Որոշ ժամանակ փակ պահելուց հետո համաձայնվեցին բացել և մինչև չորեքշաբթի ժամանակ տալ պատկան մարմիններին, որպեսզի հայտարարեն, որ լճում լողալն անվտանգ է։
Ավելի վաղ ՀՀ առողջապահության նախարարությունը հորդորել էր քաղաքացիներին Սևանա լճի ափամերձ որոշ տարածքներում, որտեղ կապտականաչ ջրիմուռներ են նկատվում, խուսափել լողալ այդ հատվածներում:
Հարակից հրապարակումներ`
- Սևան-Երևան ճանապարհը բաց է
- «Պետական մակարդակով հակասևան ակցիա է իրականացվում»
- «SOS Սևան»-ը լիճը փրկելու բաց նամակ է ուղղել վարչապետին
- ԱՆ-ն հորդորում է չլողալ Սևանա լճի այն լողափերում, որտեղ կան կապտականաչ ջրիմուռներ
- Սևանը հոգեվարքի մեջ է
- Նախարարը վստահեցնում է՝ Սևանա լճի կանաչ գույնը զգալիորեն նվազել է
- Նախկին պաշտոնյան՝ Սևանա լճի ճահճացման, սիգի որսի մեջ ստվերային բիզնեսի գոյության մասին
- Նաիրա Զոհրաբյան. Սևանի հարցում չպետք է բավարարվել լալահառաչ գրառումներ անելով
- Սևանա լճի սառը շերտը վնասվել է. Էրիկ Գրիգորյանը՝ լճի «կանաչելու» պատճառների մասին
- Սևանա լճի «ծաղկած» ջրիմուռներն արտադրում են տոքսիկ նյութեր. Ինգա Զարաֆյան
- Նախարարություն. Սևանում ծաղկել են Անաբենա ցեղի կապտականաչ ջրիմուռները
- Գեղարքունիքի մարզի բոլոր կեղտաջրերն ու կոյուղաջրերը լցվում են Սևանա լիճ. Էրիկ Գրիգորյան
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
