Ձեր վստահելի աղբյուրը

Սևանա լճում ավարտված է ջրիմուռների աճման շրջանը: Հայտարարում են շրջակա միջավայրի նախարարությունից։

«Ներկայումս լճի թափանցիկությունը կտրուկ աճել է, հունիսի 30-ին դիտված միջին 2մ-ից հասնելով 6.5, որոշ տեղերում մինչև 9 մ-ի: Նշված ցուցանիշը 2018-19թ.թ.-ի արձանագրված ամենաբարձր ցուցանիշն է»,-ասված է նախարարության ֆեյսբուքյան էջում։

Այսօր առողջապահության նախարարությունից էլ նշել էին, որ Սևանա լճի 11 տարբեր տարածքներից երեկ վերցված ջրի փորձանմուշների հետազոտությունը ցույց է տալիս, որ լճի ինքնամաքրման գործընթացը շարունակվում է:

«11 տարածքներից 2-ում դեռ առկա են չնչին շեղումներ նորմայից, սակայն դրանք նույնպես առաջիկա օրերին կգան նորմայի սահմաններ, քանի որ դրանց ինքնամաքրման դինամիկան արձանագրվել է մեր հետազոտություններով:

Հետազոտությունները կլինեն շարունակական, որոնց արդյունքների մասին լրացուցիչ կտեղեկացնենք»,-նշում են նախարարությունից։

Իրար հաջորդող հայտարարություններն ուշագրավ են նաև երեկ անցկացրած բողոքի ակցիայի համատեքստում։ Հիշեցնենք, որ ցուցարարներին միացած պատգամավոր Սասուն Միքայելյանը անշել էր՝ եթե չհայտարարեն, որ Սևանում լողալն անվտանգ է, ինքն էլ կմիանա ակցիայի մասնակցիներին, կփակի ճանապարհը։