Ձեր վստահելի աղբյուրը

Ի՞նչ տեղի ունեցավ մեր հարևան երկրում՝ Վրաստանում: «Անտեսանելի ձեռքը»,  որը շահագրգռված էր  տարածաշրջանի ապակայունացմամբ,  օգտագործեց բացարձակ արհեստական առիթը և հակառուսական հիստերիա կազմակերպեց Վրաստանում՝  ստանալով ռուս-վրացական նոր լարվածություն։

Բայց «անտեսանելի ձեռքը» երբեք չի բավարարվում արդյունքներով։  Վրաստանի  ապակայունացման աստիճանը և Ռուսաստանի հետ լարվածության  նոր փուլի աստիճանը նրան բավարար չէր։  Պետք էր շարունակություն։

Պեղեցին և գտան երկու համասեռամոլի՝ «Ռուսթավի 2» հեռուստաալիքի հեռուստահաղորդավար Գեորգի Գաբունիային և Նիկոլոզ Գվարամիային՝ նույն հեռուստաընկերության տնօրենին և անցան բացահայտ սադրանքի:

Ինչ-որ ուժեր գտան նրանց, ովքեր կհամաձայնեին կատարել ամենանողկալի պատվերը,  թքած ունենալով  իրենց երկրի՝ Վրաստանի շահերը, ազգային անվտանգությունը, համաձայնեցին գնալ տղամարդուն ոչ բնորոշ քայլի՝ հայհոյել հարևան երկրի  ղեկավարի մահացած մորը ։ Սա արվեց մեկ նպատակով՝ Ռուսաստանից ստանալ  համապատասխան արձագանք: Այլ կերպ ասած,  ավելի սրել Վրաստանի հետ հարաբերությունները, էլ ավելի մեծացնել լարվածությունը։ Ինչը ձեռնտու է միայն ու միայն « Անտեսանելի ձեռքին»։

Առաջադրանքը կատարված է,  տարածաշրջանը եռում է , բայց  Վլադիմիր Պուտինի զսպվածությունն առայժմ խառնում է Հարավային Կովկասում տոտալ  ապակայունացում ստանալու ծրագիրը։  Առայժմ հնարավոր է դառնում  խուսափել առավել խոշոր և ծանր հետևանքներից:

Հաշվի առնելով մեր երկրում ընթացող քաղաքական գործընթացները, հաշվի առնելով  նույն « անտեսանելի ձեռքի»  ակտիվ գործողությունները կարելի է սպասել, կարելի է կռահել, որ հիմա ընթանում են  հայաստանյան Գաբունիայի և Հայաստանյան  Գվարամիայի կերպարների փնտրտուք։ Կամ արդեն ունեն և թրեյնինգի փուլն է։  Կերպարներ,  որոնք պատրաստ են իրականացնել ամենաստոր և նողկալի հանձնարարականը,  հասնելով հայ-ռուսական հարաբերությունների էլ ավելի վատթարացմանը, վտանգել Հայաստանը և Արցախը, իրենց լուման դնել տարածաշրջանային ապակայունացման գործում։ 

Կգտնվե՞ն արդյոք գաբունիաներ մեր երկրում: Կարծում ենք՝ այո:  Ավելին՝ կլինի լարված մրցույթ։  Այլ հարց է, մենք այնքան թույլ կլինե՞նք, որ այդ գաբունիաները կարողանան տրամադրույթուններ ստեղծել։

Հակառուսական օջախներ ստեղծելու համար անտեսանելի ուժերն ամեն ինչ կանեն մեր գաբունիաներին ոգևորելու, տարածաշրջանը պայթեցնելու և նոր Սիրիայի ստանալու համար։
Մենք ունեն նեղ մասնագիստացված գաբունիաներ Արցախի հարցով, հերոսների հարցով, դատարանների հարցով,  եկեղեցու և ընտանիքի հարցերով, Վենետիկի հանձնաժողովի գործով,  և  այլ հարցերով, գործերով ու խնդիրներով։ Բայց «անտեսանելի ձեռքին», ամենայն հավանականությամբ, առաջիկայում պետք է գալու համապետական ունիվերսալ  հայկական Գաբունիա։
Մեր խնդիրն է ունենալ համարժեք ձևաչափեր և համարժեք կամք դրանց հակազդելու։ Իմ կարծքիով սա արդեն հեշտ գործ չէ, բայց հակառակը՝ պետություն կորցնելն է լինելու։

Գեղամ  Նազարյան
«Այլընտրանքայի նախագծեր խումբ»