Ձեր վստահելի աղբյուրը

Եգիպտոսի ամենահայտնի փարավոն Թութանհամոնի փայտե սարկոֆագը, որը մինչ հիմա գտնվում է նրա դամբարանում՝ Լուքսոր քաղաքի մերձակայքում, 1922 թվականին հայտնաբերման պահից առաջին անգամ տարվել է վերականգնման։ ՏԱՍՍ-ի հաղորդմամբ, այս մասին հայտնել է Sky News Arabia-ը՝ մեջբերելով Եգիպտոսի հնությունների հարցերով բարձրագույն խորհրդի քարտուղար Մուստաֆա Վազիրիի խոսքերը։

Նրա խոսքով, «սարկոֆագը, որը հազարամյակներ չի լքել իր նախնական գտնվելու վայրը, առաջին անգամ վերականգնվելու է Եգիպտական Մեծ թանգարանի հատուկ լաբորատորիայում»։ Վազիրին նշել է, որ սարկոֆագի տեղափոխության որոշումը Լուքսորից նոր թանգարան ընդունվել է հինեգիպտական հուշարձանների հատուկ հանձնաժողովի կողմից։ Սարկոֆագի վերականգնման աշխատանքները կտևի շուրջ ութ ամիս։ Արտեֆակտը լուրջ վնասված է, փայտե կոնստրուկցիան պետք է ամրացվի։ Մասնագետն ասել է, որ այժմ սարկոֆագը գտնվում է անկայուն վիճակում։

Սարկոֆագը Լուքսոից թանգարան է տեղափոխվել գիտնական-ռեստավրատորների, ոստիկանների ուղեկցությամբ։  Դամբարանից տեղափոխված փայտե սարկոֆագը ցուցուդրվելու է թանգարանում «Թութանհամոնի հավաքածուից» առավել  հայտնի ոսկե սարկոֆագների հետ։

Թութանհամոնը գահ է բարձրացել 9 տարեկանում, մահացել է 20 տարին չբոլորած։ 1922 թվականին անգլիական հնագետ Հ. Կարտերը հայտնաբերել է Թութանհամոնի հարուստ դամբարանը