Ձեր վստահելի աղբյուրը

«Հայհոյանքը, բռնության ու ատելության խոսքը քննարկման առարկա է դարձել թավշյա հեղափոխությունից հետո: Պատճառն այն է, որ հեղափոխությունից հետո է ինտենսիվացել»,-«Բռնության և ատելության խոսքը» թեմայով կլոր սեղան-քննարկման ժամանակ «Մեդիա պաշտպան» նախաձեռնության ղեկավար Աղասի Ենոքյանը։

Նա նշեց, որ դրանից առաջ են եղել, սակայն ինտենսիվ սիստեմավորված, հանրային բարոյականությանը վնասող խնդիր դարձել է հեղափոխությունից հետո։

«Ինչո՞ւ մինչև այդ հայհոյանք չկար, կամ քիչ էր։ Որովհետև հասարակությունը մերժում է հայհոյողին, նրան մարգինալացնում է։  Իսկ ինչո՞ւ հետո հայտնվեց, որովհետև հետո մենք հասարակության փոխարեն ունենք երկու ենթահասարկություն սպիտակների ու սևերի»,-ասաց Ա. Ենոքյանը։

Նա նշեց, երբ իշխանությունն ներկայացուցիչները խոսում էին, որ  պետք է պայքարել բռնության խոսքի դեմ, որոշակի օրենսդրություն ընդունել,  իր մոտ միանգամից կասկած է առաջանում, որովհետև երբ բռնության խոսք տարածողը խոսում է բռնության խոսքի դեմ պայքարի մասին, նշանակում է, որ նոր բռնություններ են լինելու կամ բռնության խոսքի նոր տարափ է լինելու։

Քննարկմանը ներկա «Ադեկվադ» կուսակցության նախաձեռնող  խմբի անդամ Լիկա Թումանյանն ասաց, որ երբ խոսվում է վարքագծային մոդելների մասին, այսինքն ինչ- որ լծակների, որոնք կզսպեն պետական գործիչներին  ատելության խոսքի կիրառումից, այսօվա դրությամբ առայժմ անհնար է։ 

«Այն իշխանությունը,  որը եկել է ատելության խոսքի տարածմամբ, չի կարող հրաժարվել իր գործիքակազմից, քանի որ հենց դրանով է առաջնորդվել՝ ստանալով հասարակական կարծիքի ձևավորման հնարավարություն և ստանալով մերժողական քաղաքական վարքագծի ձևավորում։ Պարզ է, որ ինքը շարունակելու է  այդ վարքագիծը, որովհտեև ատելությունը և քննադատությունն   այսօրվա դրությամբ ցանկացած հասարակության կողմից  պահանջված է  ավելի շատ, քան  կառուցողական և հանունը։ Մենք միշտ եղել ենք դեմ, քանի որ «դեմ»-ը ավելի հեշտ է անել, քան «հանուն»-ը, դրա համար ատելության խոսքը նրանք կշարունակեն կիրառել»,- ասաց Լ.Թումանյանը։