Ձեր վստահելի աղբյուրը

Մոսկվայի քաղաքային  դատարանը մինչև հոկտեմբերի 28-ը երկարաձգել է հոր սպանության մեջ մեղադրվող Խաչատուրյան երեք քույրերի որոշակի գործողություններ կատարելու արգելքի տեսքով խափանման միջոցը։ Life.ru-ի հաղորդմամբ, այդ մասին հայտնել է դատարանի մամուլի քարտուղարը։ 
Աղջիկներին արգելված է տեսնել միմյանց, երեկոյան ժամերի լքել տունը, օգտվել Ինտերնետից և այլ կապի միջոցներից։

Ավելի վաղ Մոսկվայի Բասմանի դատարանը  մինչև հուլիսի 28-ը երկարաձգել էր նրանց խափանման միջոցը։

Հիշեցնենք, որ նրանք մեղադրվում են նախնական համաձայնությամբ հոր սպանություն հոդվածով։ Այդ հոդվածով աղջիկներին սպառնում է մինչև 15 տարի ազատազրկում, իսկ կրտեսեր քույրը՝ Մարիան, նախ կբուժվի, հնարավոր է, ստիպողաբար։

ՌԴ Քննչական կոմիտեի հաղորդմամբ, 2018 թ. հուլիսի 27-ին Քրիստինան, Անգելինան և Մարիան սպանել են իրենց հոր՝  57-ամյա Միխայիլ Խաչատուրյանին, դանակով հարվածելով պարանոցին և կրծքավանդակին։ Աղջիկները հաստատել են, որ տղամարդը, գտնվելով թմրամիջոցի ազդեցության տակ, առաջինն է հարձակվել  նրանց վրա դանակով, նրանք էլ պաշտպանվել են։ Հարցաննությանն աղջիկները խոստովանել են մեղքն ու պարզաբանել, որ իրենց  և իրենց հոր միջև թշնամական հարաբերություններ էին հաստատվել այն պատճառով, որ նա երկար ժամանակ իրենց բարոյական տառապանքներ է պատճառել։ Խաչատուրյան քույրերը  օգոստոսի 2-ից կալանավորված էին։ Փորձագետները Քրիստինային և Անգելինային ճանաչվել էին մեղսունակ։ Խաչատուրյան քույրերից կրտսերը՝ 17-ամյա Մարիան, հոր սպանության պահին անմեղսունակ է ճանաչվել։  Սեպտեմբերի 27-ին Մոսկվայի Բասմաննի դատարանը  փոխել էր  Խաչատուրյան երեք քույրերի խափանման միջոց կալանքը և ընտրել  որոշակի գործողություններ կատարելու արգելքի տեսքով խափանման միջոց։

Հետմահու հոգեբուժական փորձաքննությունը նրանց օգտին է. Միխայիլ Խաչատուրյանի մոտ բացահայտվել են շեղումներ։