Ձեր վստահելի աղբյուրը

Պետական բյուջեի գումարները պետք է նպատակաուղղված ծախսել, որի արդյունքում հասարակությունը ստանա օգուտ։ «ՀՀ արդարադատության նախարարության 2019 թ. առաջին եռամսյակի և 2020 թ. պետական բյուջեի նախագծի արդյունքային ցուցանիշների վերլուծության տվյալները» թեմայով սուլիսին ասաց Թրանսփարենսի ինթերնեյշնլ հակակոռուպցիոն կենտրոնի ծրագրերի ղեկավար Վարուժան Հոկտանյանը։

«Եթե մենք չունենք հարուստ բյուջե, պետք է խնամքով ծախսենք ամեն կոպեկը։ Դրա համար ինչպես շատ երկրների օրինակները ցույց են տվել, ճգնաժամային  պայմաններում կարևոր է լինի ծրագրային բյուջետավորում իր գաղափարախոսությամբ։ Սա պետք է դառնա նորմա»,- նշեց նա։

Հանրային ֆինանսների քաղաքականության գծով փորձագետ Սարգիս Նասիբյանը ներկայացնելով կոնկրետ ցուցանիշներ, ասաց, որ քրեակատարողական ծառայությանը 2019-ին գումար էր ստացել 4000 դատապարտյալի համար, սակայն պարզ էր, որ 2018 թ. հայտարարված համաներմամբ նրանց թիվը նվազելու էր։

«Գումարը հաստատվել է 4000 հոգու համար, սակայն հաշվետու ժամանակաշրջանում փաստատի եղել է համարյա դրա կեսը։ Սա մենք կանխատեսել էինք, որ լինելու է։  Պետք է պլանավորվեր ավելի փոքր  թիվ»,- նշեց նա։

Ս. Նասիբյանն ասաց, որ «Ապահովում կալանավայրերում պահվող ազատազրկվծաների համար»  ծրագրով  պլանավորված է եղել տարեկան 3900 անուն դեղ, որն անհասկանալի ցուցանիշ է, փաստացին զրո է. «Բացատարվել է, որ տարբերությանը պայմանավորված էր եռամսյակին դեղորայքի  ձեռքբերման անհրաժեշտության բացակայությամբ»։

«Օրինակներ են, որոնք սխալ ծրագրավորման արդյունք է»,- ասաց փորձագետը։

Վ. Հոկտանյանի խոսքով, հասկանալի է, որ հեշտությամբ չի մտնում ծրագրային բյուջետավորումը եթե տարիներով, տասնամյակներով չի եղել։

«Ծրագրային բյուջետավորումն ունի նաև իր խնդիրները, որոնք պետք է հաղթահարվեն։ Եթե սխալ է ծրագրավորվում, լուրջ խնդիրների են հանգեցնում։  Տպավորություն կա, որ և նախկին, և ներկա իշխանությունների մոտ, որոնք պատասխանատու են այս բլոկի համար, առաջնորդվում են նրանով, որ եկեք չպլանավորենք, այդ դեպքում ավելի քիչ սխալ կլինի, քան փորձենք պլանավորել ու սխալվենք։ Մյուս խնդիրը, որը երևի հիմնական խոչընդոտն է  հանդիսանում մեզ մոտ լիարժեք ծրագրային  բյուջետավորման անցնելու, այն է, որ այդպիսի  բյուջետավորման դեպքում հիմնական մշակող պետք է մեծ ծավալի ինֆորմացիա ունենա»,- ասաց նա։

Վ.Հոկտանյանի խոսքով, այն, ինչ իրենք ուզում են, որ իսկապես գաղափարախոսությամբ լինի բյուջետային ծրագրավորումը. «Տարիներով գումաներ ենք ծախսել, որպեսզի մենք ունենանք ոչ թե ձևով, այլ բովանդակությամբ ծրագրային բյուջե։ Երբ տեսնում ենք այս հաշվետվությունը, հասկանում ենք, որ դասերը լավ չենք սերտել։ Մեր նպատակն է, որ չփոշիանան այդ գումարները»։

Վ.Հոկտանյանն ասաց, որ ակնկալում են համագործակցելով ԱԺ գլխադասային, ֆինանսավարկային հանձնաժողովների, նախարարությունների հետ, փորձել այս ամենը ներառել 2020 թվականի բյուջեի վերջնական նախագծում։