Ձեր վստահելի աղբյուրը

Օգոստոսի 5-17-ը Հայաստանում և Արցախում տեղի կունենան Համահայկական ամառային 7-րդ խաղերը: Արցախի կառավարությունից հայտնում են, որ բացման հանդիսավոր արարողությունը տեղի կունենա օգոստոսի 6-ին Ստեփանակերտի Ստեփան Շահումյանի անվան հանրապետական մարզադաշտում, իսկ փակումը՝ օգոստոսի 17-ին, Երևանում՝ Ազատության հրապարակում:

«Համահայկական խաղերը սպորտի միջոցով «Հայաստան, Արցախ, Սփյուռք» եռամիասնության, համերաշխության գաղափարներ է տարածումն համայն հայության շրջանում:

Աշխարհասփյուռ հայերի մասնակցությամբ այս կարևոր միջոցառման մեկնարկից առաջ, օգոստոսի 5-ին, ժամը 19.00 տեղի կունենա մեր ազգային միասնականությանն ուղղված համահայկական հանրահավաք՝ ԱՀ նախագահ Բակո Սահակյանի և ՀՀ վարչապետ Նիկոլ Փաշինյանի մասնակցությամբ: 

Ձեր մասնակցությունն այս կարևոր միջոցառումներին և մեկ անգամ կփաստի համազգային գերակայությունների նկատմամբ մեր միասնական դիրքորոշման հստակեցման, մեր ուժերը համախմբելու և բռունցքվելու կարողությունը»,- հայտնում են ԱՀ կառավարությունից։