Ձեր վստահելի աղբյուրը

Հայաստանի արշավական ուղիները  հասու են APP store-ում՝ IOS համակարգից օգտվողների համար, ինչպես նաև՝ Google Play-ում՝ Android համակարգից օգտվողների համար։  Հավելվածի անունն է Hike Armenia: Համանուն ընկերությունը այպես է մանրամասնում իրենց գոծունեությունը.

«Մենք հավատում ենք, որ Հայաստանը կարող է դառնալ քայլարշավային բարձրակարգ զբոսաշրջության ուղղություն։ Այդ իսկ նպատակով մենք զարգացնում ենք քայլուղիների ենթակառուցվածքներն այստեղ և աշխարհին պատմում Հայաստանի գեղեցկության մասին։ Մեր բջջային հավելվածը ստեղծվել է դեռևս 2015 թ-ին ONEArmenia ընկերության կողմից կազմակերպված դրամահավաքային արշավի միջոցով։ Այն հետապնդում էր երկու նպատակ` աշխարհին պատմել այս հինավուրց երկրի գեղեցկության մասին, ինչպես նաև էկոտուրիզմի միջոցով աջակցել տեղացի տնտեսվարողներին:

Հիրայր և Աննա Հովնանյան Հիմնադրամի աջակցության շնորհիվ մենք այսօր ներկայանում ենք որպես առանձին հիմնադրամ, Հայաստանի քայլուղիներն ու ենթակառուցվածքները համաշխարհային ստանդարտներին համապատասխանեցնելու առաքելությամբ։

Մենք դա անում ենք մի քանի գործիքների միջոցով, այդ թվում այս  հարմարավետ (և ԱՆՎՃԱՐ) բջջային հավելվածով, որը նախատեսված է iPhone և Android համակարգերով աշխատող սարքերի համար, Երևանի կենտրոնում գործող տեղեկատվական կենտրոնի միջոցով, որն աշխատում է երկուշաբթիից ուրբաթ, ինչպես նաև կայքի, որտեղ կարող եք գտնել քայլարշավներին առնչվող ցանկացած տեղեկատվության։

Անմոռանալի քայլաշավները, ջերմ հյուրասիրությունն ու անկրկնելի  մշակույթը սպասում են Ձեզ։ Ձեզանից պահանջվում է ընդամենը այցելել Հայաստան»։