ՀՀ ԱՆ, շիտակ գնա ստամբուլյան
Մինչ հայաստանյան հանրությունը ամեն կերպ արտահայտում է իր բողոքը ստամբուլյան կոնվենցիայի դեմ, ՀՀ արդարադատության նախարարությունը որոշել է մի ամբողջ հանրության հասկացնել, որ անհասկացող են։
Գեղեցիկ վերնագրելով իր՝ հանրության կոչերին, ցանկություններին, պահանաջներին անտարբերությունը, ՀՀ ԱՆ-ն «բացատրում» է, որ, բացի իշխանականներից, մյուսները «թյուրընկալման» մեջ են։
Սա արդեն իսկ զարմանալի, թեպետ... գուցե և արդեն ոչ զարմանալի փաստ է։ Մնում է, ասենք, Երևանի քաղաքապետն էլ քաղաքացիների բողոքներին, որ քաղաքը աղբի ու գարշահոտության մեջ է, ասի՝ «թյուրընկալում է»։
...
ՀՀ ԱՆ հայտարարության մեջ ասվում է, որ «Կոնվենցիայի վավերացումը պայմանավորված է ՀՀ կառավարության հանձնառությամբ, որը միտված է պաշտպանել կանանց բռնությունից և կանխարգելել, վերացնել կանանց նկատմամբ բռնությունն ու ընտանիքում բռնությունը, նպաստել կանանց նկատմամբ խտրականության բոլոր ձևերի վերացմանն ու խթանել կանանց և տղամարդկանց միջև հավասարությունը», ու չի ուզում հասկանալ հասկանալ պարզագույն հարցադրումը՝ որ չվավերացնեք, չե՞ք կարողանալու պայքարել բռնության դեմ:
Մի՞թե արդարադատության նախարարության ողջ իգական սեռի պաշտոնյաները տանը ենթարկվում են բռնության, անհավասար պայմաններում են իրենց տղամարդկանց հետ, ընտանիքում պարտավորված են կանգնել գազօջախի մոտ,... ու դրա համար փաստն աչքի առաջ չեն կարողանում այլ բաներ հասկանալ։ Ու առողջապահության նախարարությունում էլ՝ ինչ-որ հայկական դժնդակ ավանդույթներով են խեղճացած, որոնք այնպես խիզախորեն ուզում է կոտրել առողջապահության նախարարը։
Ու նկատեք՝ պարզվում է նոր կառավարությունը պարտավորված է զգում շարունակել ՀՀԿ-ի գործը. «.. Հակառակ դեպքում ստացվում է, որ եթե հայտարարվում է, որ երկիրը ստորագրել է կոնվենցիան՝ չվավերացնելու նպատակով, առնվազն շիտակության և անկեղծության խնդիր կա թե միջազգային հանրության և թե հայ հասարակության նկատմամբ»։
Ինչպիսի շիտակություն...
Ու նույնքան բութ շիտակությամբ շարունակում է.«Ավելին, կոնվենցիայի վավերացման նպատակահարմարությունը բխում է ՀՀ Սահմանադրությունից։ Կանանց և տղամարդկանց միջև փաստացի հավասարության խթանումը հանդիսանում է պետության քաղաքականության հիմնական նպատակներից մեկը, ինչն ամրագրված է ՀՀ Սահմանադրության 86-րդ հոդվածով»։
Ու էլի նույն հարցը՝ այսինքն, եթե Եվրոպան ձեզ չպարտադրի, դուք, որպես անկախ ու ինքնիշխան պետության իշխանություն, չեք կարող ինքնակազմակերպվել և հավասարությո՞ւն ապահովել։ Կամ գոնե՝ քայլել այդ ուղղությա՞մբ։
Ու վերջում ՀՀ ԱՆ տեղեկատվության և հասարակայնության հետ կապերի վարչությունից վերջին խաղաթուղթն են դնում սեղանին. «Կոնվենցիայի վավերացման հարցը բազմիցս բարձրացվել է մարդու իրավունքների միջազգային իրավական պաշտպանությամբ զբաղվող կոնվենցիոն մարմինների՝ Հայաստանի վերաբերյալ զեկույցներում: Մասնավորապես, կարելի է հղում անել ԵԽ մարդու իրավունքների հարցերով հանձնակատարի 2018թ. և 2015թ., Համընդհանուր պարբերական դիտարկման 2015թ., Հաշմանդամություն ունեցող անձանց իրավունքների հարցերով կոմիտեի 2017թ., Կանանց նկատմամբ խտրականության բոլոր ձևերի վերացման մասին կոմիտեի 2016., ՄԱԿ-ի երեխաների վաճառքի, երեխաների մարմնավաճառության և երեխաների պոռնոգրաֆիայի հարցերով հատուկ զեկուցողի 2016թ., ինչպես նաև Հայաստանի վերաբերյալ այլ զեկույցները»:
Այսինքն՝ այնուամենայնիվ երեխաների վաճառք ու երեխաների մարմնավաճառություն, հա՞։
...
Այն, որ նույնիսկ արդարադատության նախարարությունում չեն հասկանում ոչ միայն թե ինչ ասել է ՀՀ Սահմանադրություն, այլև՝ ով են կինն ու տղամարդը, պարզ երևում է հաղորդագրության ձևակերպումից՝ կանանց ու տղամարդկանց հավասարություն։
Ոչ թե հավասարություն, այլ՝ ԻՐԱՎԱհավասարություն։ Այդպես եք մտածում, որ խեղճ տղամարդկանց «հավասարեցնում» եք կանանց՝ սարքելով տրանսգենդեր։
Չէ, հարգելի ընթերցողներ, դուք միայն մտածեք, թե էլ ինչպես կարելի է տղամարդկանց ու կանանց հավասարեցնել իրար, ու գուցե գաղջը, որ ՀՀ ԱՆ-ում պարզագույն իրավական տերմիները չեն հասկանում, բայց ուզում են խաբած լինել հանրությանը, այնքան էլ խոցելի ու ծանոթ չթվա։
Ու կարևորը՝ փաստորեն ՀՀ ԱՆ-ն ասում է, որ անկախ ամեն ինչից, վավերացնելու են այդ անսեռ կոնվենցիան։
Զուտ շիտակությունից ելնելով, ոչ մի այլ շահ։
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
