Ձեր վստահելի աղբյուրը

«Այս փուլում զինծառայող Արայիկ Ղազարյանի՝ Ադրբեջանում հայտնվելու հանգամանքները պարզելու համար հետաքննություն է իրականացվում»,- Դիլիջանում լրագրողների հետ զրույցում այս մասին ասաց ՀՀ պաշտպանության նախարար Դավիթ Տոնոյանը:

Նախարարը նշեց, որ անձամբ իր կարծիքով՝ զինծառայողն աշխարհագրորեն մոլորվել է։
Լրագրողների հարցին` թե ինչպես կմեկնաբանի ադրբեջանական լրատվամիջոցների այն տեղեկությունները, որ զինծառայողի՝ Ադրբեջանում հայտնվելու պատճառը նրա նկատմամբ անմարդկային վերաբերմունքն է, Տոնոյանը պատասխանեց, որ ադրբեջանական հերթական ապատեղեկատվությունն է և դա պետք չէ տարածել. «Ես ներքին համոզմունք ունեմ, որ նա ուղղակի մոլորվել է»։

Ինչ վերաբերում է զինծառայողի վերադարձի հարցին, նա ասաց, որ աշխատանքները սկսել են, դիմել են միջազգային համապատասխան կառույցներին` Կարմիր խաչի միջազգային կոմիտեին:

«Բոլորիս համար ցավալի դեպք է, սակայն, կարծում եմ, որ ամեն ինչ նորմալ կանցնի»,- ասաց նախարարը:

Պաշտպանության նախարարը կոչ արեց Ադրբեջանի զինված ուժերին, որպեսզի նման ապատեղեկատվական աշխատանքները դադարեցնեն: