Ձեր վստահելի աղբյուրը

Եվրամիությունը պատրաստվում Է Brexit-ի բոլոր սցենարներին, այդ թվում՝ առանց համաձայնագրի, բայց դա ԵՄ-ի ընտրությունը չէ: «Ռիա նովոստի»-ի փոխանցամբ՝ այս մասին հայտարարել է Ֆրանսիայի նախագահ Էմանուել Մակրոնը՝ Փարիզում Մեծ Բրիտանիայի վարչապետ Բորիս Ջոնսոնի հետ հանդիպումից առաջ:

«Միայն Մեծ Բրիտանիան՝ մեր ընկերն ու դաշնակիցը, կարող է ընտրել իր ճակատագիրը, այն եղանակը, որով նա դուրս կգա Եվրամիությունից, և այն հիմքը, որը նա ցանկանում է հաստատել Եվրոպայի հետ: Ինչ վերաբերում է մեզ, ապա մենք պատրաստ ենք բոլոր սցենարներին, այդ թվում՝ հոկտեմբերի 31-ին առանց համաձայնագրի դուրս գալուն, եթե ընտրվի այդ սցենարը: Դա ԵՄ-ի ընտրությունը չէ, բայց մեր համաքաղաքացիների, մեր տարածքների, մեր ընկերությունների նկատմամբ մեր ընդհանուր պատասխանատվությունն է` պատրաստ լինել բոլոր տարբերակներին»,- նշել է Մակրոնը։

Նշենք, որ Մեծ Բրիտանիան Եվրամիությունը պետք է լքի հոկտեմբերի 31-ին։