Ձեր վստահելի աղբյուրը

Արցախի Հանրապետության նախագահ Բակո Սահակյանն այսօր տոնում է 59-րդ տարեդարձը։

Արցախի գործող նախագահին շնորհավորել է Արցախի առաջին նախագահ, ՀՀ երկրորդ նախագահ Ռոբերտ Քոչարյանը։

Նրա գրասենյակի փոխանցմամբ, Բակո Սահակյանին ուղղված շնորհավորական ուղերձում մասնավորապես, ասված է.

«Մեծարգո՛ պարոն Նախագահ,

Ի սրտե շնորհավորում եմ Ձեզ՝ ծննդյան տարեդարձի առթիվ: Մաղթում եմ քաջառողջություն, տոկունություն  արգասաբեր աշխատանք՝ ի բարօրություն Արցախի Հանրապետության ժողովրդի:

Հարգանքով՝
ՌՈԲԵՐՏ ՔՈՉԱՐՅԱՆ»։

Հիշեցնենք, որ Բակո Սահակյանը ծնվել է Բակո Սահակյանը ծնվել է 1960 թվականի օգոստոսի 30-ին, Ստեփանակերտ քաղաքում:

1988 թվականից արցախյան շարժման առաջամարտիկներից է:
1990 թ. ընդգրկվել է ինքնապաշտպանական ուժերում:
1992-1993թթ. - ԼՂՀ ինքնապաշտպանության կոմիտեի պետի` թիկունքի գծով տեղակալ:
1993-1995թթ. - ԼՂՀ ՊԲ թիկունքի շտաբի պետ:
1995-1996թթ. - ԼՂՀ ՊԲ հրամանատարի` արտաքին կապերի գծով տեղակալ:
1996-1997թթ. - ԼՂՀ ՊԲ 10-րդ լեռնահրաձգային դիվիզիայի հրամանատարի` թիկունքի գծով տեղակալ:
1997-1999թթ. - Հայաստանի Հանրապետության ներքին գործերի և ազգային անվտանգության նախարարի օգնական:
1999-2001թթ. - ԼՂՀ ներքին գործերի նախարար:
2001 թվականից - ԼՂՀ ազգային անվտանգության պետվարչության պետ, ազգային անվտանության ծառայության տնօրեն:

Ամուսնացած է, ունի երկու զավակ: