Ձեր վստահելի աղբյուրը

Սասեքսի դքսուհի Մեգան Մարքլը ներկայացրել իր ստեղծած Smart Works հագուստի հավաքածուն: Այն բարեգործական ակցիա է: Կոստյումների վաճառքից գոյացած միջոցների մի մասը կուղղվի գործազուրկ կանանց աջակցությանը: Մարքլի հագուստը վաճառելու է 4 ռիթեյլերական ցանց: Հավաքածուում ներկայացված է գրեթե 20 ֆունտ սթեռլինգ արժողությամբ ազատ ձևվածքի զգեստ՝ V-ատիպ բացվածքով: Այն կարվել է սև, կապույտ և վարդագույն երանգներով: Նախկին դերասանուհին նաև ստեղծել է սև և շագանակագույն կաշվից պայուսակ և վերնաշապիկ առանց որևէ զարդարանքի: Մարքլն իր հագուստի գիծը ներկայացնում է որպես ամենօրյա հագուստ:

360tv.ru-ի հաղորդմամբ, նա իր հավաքածուն ներկայացրել է Լոնդոնի John Lewis & Partners խանութի տանիքին տեղի ունեցած ցուցադրության ժամանակ: Սասեքսի դքսուհին անձամբ է դուրս եկել պոդիում: Նրա հագին եղել է իր հավաքածուից սպիտակ դասական վերնաշապիկ և բարձր իրանով սև շալվար: Այդ կերպարի համար Մարքլն ընտրել է բաց-շագանակագույն երանգի կոշիկներ: Նա կրել է իր ամուսնու մոր՝ արքայադուստր Դիանայի զարդերը՝ խոշոր ոսկե թևնոց՝ մուգ քարերով: