Ձեր վստահելի աղբյուրը

«Ես էլ եմ երազում ընդհանուր պետության մասին։ Ես կարծում եմ, որ, օրինակ, մեր ընդհանուր դրոշը պիտի լինի Արցախի դրոշը»,- Գյումրիում լրագրողների հետ զրույցում ասաց  Արցախի  Հանրապետության նախագահի մամուլի խոսնակ Դավիթ Բաբայանը։

Նա բացատրեց, թե ինչու է այդպես կարծում. «Ոչ թե, որ դա Արցախի դրոշն է, այլ որովհետև այն խորհրդանշում է ազատագրված  և ազատագրվելիք  հայրենիքը, իսկ հայոց լեռնաշխարհը շատ ավելի մեծ է։ Այն խորհրդանշում է հայրենիքը և սփյուռքը։ Այս պահի դրությամբ սփյուռքն ավելի շատ է, քան հայրենիքում ապրող մարդիկ։ Այդպես է ստացվել»։

Արցախի դրոշի  ստեղծված է Հայաստանի դրոշի նմանությամբ, ավելացված է սպիտակ եռանկյունաձև նախշանկար (հայկական գորգի նմանությամբ), որը խորհրդանշում է Արցախի՝ մայր Հայաստանից անարդարացիորեն բաժանումը և անկախության հռչակմամբ վերամիավորումը