Ձեր վստահելի աղբյուրը

Թուրքիայի արտգործնախարար Մևլութ Չավուշօղլուն ՄԱԿ-ի 74-րդ նստաշրջանի շրջանակներում մասնակցել է «Իսլամական համագործակության կազմակերպության» (ԻՀԿ) «Հայաստանի՝ Ադրբեջանի դեմ ուղղված ագրեսիայի հարցերով շփման խմբի» ժողովին: Այս մասին գրում է ermenihaber-ը։

Ըստ թուրքական աղբյուրի՝ այդ մասին հայտնի է դարձել Twitter-ում Չավուշօղլուի արած գրառումից։ Նա գրառումը կատարել է անգլերեն և թուրքերեն:

Գրառման մեջ մասնավորապես ասվում է.

«ԻՀԿ-ի Հայաստանի՝ Ադրբեջանի դեմ ուղղված ագրեսիայի հարցերով շփման խմբի ժողովի ընթացքում մեկ անգամ ևս դատապարտեցինք Հայաստանի անօրինական դիրքորոշումը»:

Չավուշօղլուն հավելել է, որ այս առումով վերոնշյալ խումբը կարևոր դեր է խաղում։

Հիշեցնենք, որ ավելի վաղ էլ թուրք պաշտոնյան նշյալ խմբի նախորդ ժողովների ժամանակ մշտապես բարձրաձայնել է ղարաբաղյան հիմնախնդիրը։

At the meeting of the @OIC_OCI Contact Group on the Aggression of Armenia against #Azerbaijan on the margins of #UNGA74, condemned once again Armenia’s unlawful attitude. Underlined importance of the Contact Group to show support to Azerbaijan in their just cause. pic.twitter.com/VuMtya1jus

— Mevlüt Çavuşoğlu (@MevlutCavusoglu) September 23, 2019