Ձեր վստահելի աղբյուրը

ԶՈՒ կապի զորքերը ռազմավարական զորավարժության շրջանակներում շարունակում են ծառայություն իրականացնել մարտական աշխատանքային ռեժիմով՝ անխափան կապ ապահովելու համար:

ՊՆ հասարակայնության հետ կապերի վարչությունից հայտնում են, որ կապավորները բացազատել են նորագույն ռազմական արբանյակային կապի կայաններ, շարժական և ստացիոնար կապի հանգույցներ ու կետեր:

ԶՈՒ ռազմաբժշկական ստորաբաժանումները՝ զորամասերի բուժկետերը, ինչպես նաև որպես թիկունքային հոսպիտալների վերակազմավորված քաղաքացիական բուժհաստատությունները ևս, ծավալվել են նախորոշված վայրերում, ըստ բժշկական տարհանման փուլերի իրականացվում են բուժապահովման աշխատանքներ։

Ռազմավարական զորավարժության շրջանակներում 4-րդ զորամիավորումում շարունակվում են պլանով նախատեսված միջոցառումները:

Առանձնակի ուշադրություն է դարձվում հրամանատարական կետերում, ինչպես նաև կառավարման կետերում իրականացվող աշխատանքների արդյունավետությանը:

Զորամիավորման շտաբն իրադրության զարգացմանը զուգընթաց զորամասերին առաջադրում է նոր խնդիրներ, խաղարկվում են տարբեր իրավիճակներ:

Աղբյուրը հայտնում է նաև, որ նախօրեին ՀՀ պաշտպանության նախարար Դավիթ Տոնոյանը եղել է ԶՈւ զորավարժարաններից մեկում, որտեղ վարժանքներ են անցկացնում ռազմավարական զորավարժության շրջանակում զինված ուժերը համալրած պահեստազորայինները։

Պաշտպանական գերատեսչության ղեկավարը շրջել է վրանային ավանում, ծանոթացել կենցաղային պայմաններին։

Պահեստազորայինների և հրամանատարական կազմի հետ Դավիթ Տոնոյանը քննարկել է մարտական պատրաստության հետ կապված և այլ հարցեր։