Ձեր վստահելի աղբյուրը

Միխայիլ Խաչատուրյանի հեռախոսը նրա սպանության քրեական գործի իրեղեն ապացույցներից մեկն է դարձել։ Նրա հարազատներն այս օրերին պնդում են, որ  նա  փայփայել, հոգ է տարել իր երեք աղջիկների մասին, որոնք մեղադրվում են հոր սպանության մեջ։ Վեստի.ռու-ն գրում է, որ վերջերս համացանցում է հայտնվել Խաչատուրյանի և աղջիկների հաղորդագրություններից դրվագներ, որոնք հենց հակառակն են ապացուցում։

«Комсомольская правда»-ն այս անգամ հրապարակել է «հոգատար» հոր՝ դուստրերին վիրավորելու  առաջին տեսանյութը։  Նա ձայնագրել է այդ պահն իր սմարթֆոնի  տեսախցկով։ Այն դիտելով՝ պարզ է դառնում, որ հայրը զայրացել է աղջիկների վրա շատ կոնֆետ ուտելու համար, նա աղջկներին անվանում է «անասուններ», բղավում է «հրեշ» բառն ու հարվածում կրտսեր աղջկան։

Քրիստինա Խաչատուրյանի փաստաբան Ալեքսեյ Լիպցերն ասել է, որ այդ տեսանյութը ապացուցում է աղջիկների խոսքերը, որ հայրն իրենց մշտապես նվաստացրել է, խոշտանգել, սեռական բռնության ենթարկել։

ՌԴ Քննչական կոմիտեի հաղորդմամբ, 2018 թ. հուլիսի 27-ին Քրիստինան, Անգելինան և Մարիան սպանել են իրենց հոր՝  57-ամյա Միխայիլ Խաչատուրյանին, դանակով հարվածելով պարանոցին և կրծքավանդակին։ Աղջիկները հաստատել են, որ տղամարդը, գտնվելով թմրամիջոցի ազդեցության տակ, առաջինն է հարձակվել  նրանց վրա դանակով, նրանք էլ պաշտպանվել են։ Հարցաննությանն աղջիկները խոստովանել են մեղքն ու պարզաբանել, որ իրենց  և իրենց հոր միջև թշնամական հարաբերություններ էին հաստատվել այն պատճառով, որ նա երկար ժամանակ իրենց բարոյական տառապանքներ է պատճառել։ 2018-ի սեպտեմբերի 27-ին Մոսկվայի Բասմաննի դատարանը  փոխել էր  Խաչատուրյան երեք քույրերի խափանման միջոց կալանքը և ընտրել  որոշակի գործողություններ կատարելու արգելքի տեսքով խափանման միջոց։
Վերջնական մեղադրանք եզրակացությամբ, երեք քույրերին մեղադրանք է առաջադրվել նախնական համաձայնությամբ մի խումբ անձանց կողմից սպանության հոդվածով։  ՌԴ Քննչական կոմիտեն Խաչատուրյան քույրերի գործից առանձնացրել է նրանց հոր՝ Միխայիլ Խաչատուրյանին վերաբերող նյութերը, որի գործողություններում խոշտանգման, սեռական բնույթի բռնի գործողությունների և սեռական բնույթի գործողությունների պարտադրանքի նշաններ կան։
Քննությունը շարունակվում է։