Cargo Express. Ներդրողը, արտահանողն ու բեռնափոխադրողը՝ մի հարթակում
Cargo Express հարթակը ստեղծվել է բեռնափոխադրման շուկայում առկա խնդիրների խորը ու մասնագիտացված ուսումնասիրությունների արդյունքում։ Առաջարկվող լուծումները հնարավորություն է տալիս ավելի որակյալ դարձնել հայաստանյան շուկայի բեռնափոխադրումները՝ բավարարելով և ներմուծող-արտահանող սեգմենտի և բեռնափոխադրողի պահանջները:
«Այստեղ գործում են բեռնափոխադրման բոլորովին նոր պայմաններ և համագործակցության նոր կանոններ՝ նվազագույնի հասցնելով բեռնափոխադրման շուկայում առկա բոլոր ռիսկերը թե պատվիրատուի, և թե բեռնափախադրողի համար: Սա միասնական օնլայն հարթակ է, որի նպատակն է համախմբել հայկական բեռնափոխադրման շուկայում վստահելի և լավ համբավ ունեցող բեռնափոխադրող ու ներմուծող-արտահանող ընկերություններին և բարձր վստահության հիման վրա ստեղծել բիզնես հարաբերություններ՝ ամբողջովին նոր որակ մտցնելով բեռնափոխադրման շուկայում»,-նշում են նախաձեռնության հեղինակները։
Նաև մանրամասնում են, որ ներմուծող-արտահանող ընկերությունները հնարավորինս պարզեցված տարբերակով տեղադրում են իրենց բեռի տեղափոխման վերաբերյալ տեղեկատվություն, այն միաժամանակ ուղարկվում է կայքում գրանցված բոլոր բեռնափոխադրող ընկերություններին։ Վերջիններն էլ սկսում են ներկայացնել իրենց գնային առաջարկները տվյալ բեռի տեղափոխման համար, իսկ համակարգը ընտրում է դրանցից լավագույնը և ուղարկում պատվիրատուին՝ առաջարկելով նաև բեռի ապահովագրություն շուկայում առաջարկվողից անհամեմատ ցածր տոկոսով:
Առաջարկը հաստատելուց հետո պատվիրատուն կայքի միջոցով կարող է հետևել իր բեռի տեղափոխման ողջ ընթացքին: Յուրաքանչյուր հաստատված պատվերից պատվիրատուն ստանում է cashback բեռնափոխադրման արժեքի 0.8%-ի չափով, որը կարող է կիրառել իրենց հետագա պատվերների բեռնափոխադրման արժեքը նվազեցնելու համար:
Արդյունքում արտահանողները, ներկրողներն ու բեռանփոխադրողներն ունենում են բեռի ապահովագրություն նվազագույն տոկոսաչափով , առողջ մրցակցության ապահովմամբ՝ բեռնափոխադրման ամենաշահավետ առաջարկ, զարգացած բիզնեսին վայել բարձրակարգ ծառայություն, գումարի խնայողություն բոնուսային համակարգի միջոցով, անվճար խորհրդատվություն ամենաօպտիմալ ճանապարհով բեռի տեղափոխման վերաբերյալ, լոգիստիկ համալիր ծառայություններ մեկ վայրում, ժամանակի խնայողություն։
Լրահոս
Տեսանյութեր
Եթե այսպես շարունակվի, Հայաստանը կարժանանա Արցախի ճակատագրին. Հրայր Ուլուբաբյան
