Ձեր վստահելի աղբյուրը

«Այնուամենայնիվ մենք պետք է սպասենք, թե դատարանն ինչպիսի դիրքորոշում է հրապարակում՝ ներկայացված իրավական փաստերի առնչությամբ, և կախված նրանից, թե ինչ դիրքորոշում կլինի, մենք կորոշենք մեր հետագա քայլերը»,- խորհրդարանում լրագրողների հետ զրույցում ասաց «Իմ քայլը» խմբակցության ղեկավար Լիլիթ Մակունցը՝ անդրադառնալով Սահմանադրական դատարանի նախագահ Հրայր Թովմասյանի լիազորությունները դադարեցնելու հարցով ՍԴ  ներկայացրած նախագծին։

Լրագրողների հարցին, թե ինչ խնդիրներ կարող են առաջանալ, եթե բոլոր խմբակցությունները, մասնավորապես ԲՀԿ-ն չմիանա նախագծին։

«Ձայների այն քանակը, որը անհրաժեշտ է նախագիծը ներկայացնելու համար ՍԴ, «Իմ քայլը» խմբակցության ձայները բավարարում են: Բայց մենք շեշտադրում ենք արել, որ սա բացառապես «Իմ քայլը» խմբակցության հարցը չէ, և բոլոր խմբակցությունները պետք է շահագրգռված լինեն հարցի պատշաճ քննությունն իրականացնելու գործընթաց սկսել», - ասաց նա:

Նշենք, որ Սահմանադրական դատարանի դատավոր (անդամ) Հրայր Թովմասյանի լիազորությունները դադարեցնելու հարցով Սահմանադրական դատարան դիմելու մասին նախագիծն  ընդգրկված է այսօր մեկնարկած ԱԺ քառօրյա նիստերի օրակարգում։