Ձեր վստահելի աղբյուրը

Ուկրաինայի և ԱՄՆ-ի նախագահների նախագահների միջև աղմկահարույց հեռախոսազրույցի շուրջ քննարկումները շարունակվում են: Դոնալդ Թրամփը թվիթերի միջոցով սպառնում է ոչ միայն տեղեկությունը հայտնած պաշտոնիային այլ նաև հետախուզության հարցերով հանձնաժողովի նախագահ Ադամ Շիֆին: Այս մասին գրել է Ամերիկայի Ձայնը։

Իմփիչմենթի հետաքննության ներքո Միացյալ Նահանգների նախագահը շարունակում է քննադատել դեմոկրատներին, այդ թվում նաև Ներկայացուցիչների պալատի հետախուզության հարցերով հանձնաժողովի նախագահ Ադամ Շիֆին:

Թրամփը նաև հայտնել է, որ ինքը փորձում է հայտնաբերել Ուկրաինայի նախագահի հետ իր հեռախոսազրույցի մասին հայտնած պետական պաշտոնյային:

«Հեռախոսազրույցը կատարյալ էր: Երբ պետական պաշտոնյան դրա մասին հայտնել է, նա այն վատ ձևով է մեկնաբանել: Այնուհետև Ադամ Շիֆը սխալ բառեր է հորինել, ինչը կարծում եմ ահավոր է»,- ասում է Թրամփը:

«Los Angeles Times» լրատվականի հաղորդմամբ, անցած շաբաթ փակ միջոցառման ժամանակ Թրամփը պետական պաշտոնյային, ով ազդարարել էր Թրամփի հեռախոսազրույցի մասին «լրտես» է անվանել:

«Ժամանակին մենք նման լրտեսների հետ այլ կերպ էինք վարվում»,- «Los Angeles Times» լրատվականի ձայնագրությունում ասում է Թրամփը:

Թվիթերի իր գրառման մեջ Թրամփը ցանկություն է հայտնել հանդիպել իր հեռախոսազրույցի արտահոսքի մեղավորին ու սպառնացել վերջինիս։

Հիշեցնենք, որ օրենքը թույլ է տալիս տալիս հայտնել իրենց կարծիքով որևէ մեկի ցուցաբերած սխալ վարքի կամ քայլի մասին՝ առանց իրենց անձը բացահայտելու, կամ վրեժխնդրության վտանգի:

«Օրենքին հետևող մարդուն քննադատելը կամ սպառնալը, այն բանի համար, որ նա մեղադրել է նախագահին, նախագահի վայել քայլ չէ, ամերիկացիները իրենց երկրի առաջնորդից ավելին են սպասում»,- նշում է Բրուքինգս հաստատությունից Ջոն Հադոքը։

Մինչ դեմոկրատները հետաքննում են, թե արդյո՞ք Թրամփը Զելենսկիի միջոցով փորձել է Ջո Բայդենի մասին վարկաբեկող տեղեկություններ ձեռք բերել՝ հանրապետականները պնդում են, որ դեմոկրատները գործում են իրենց իսկ շահերից:

«Մեր աշխատանքն է օրենսդրությունն է, այլ ոչ թե նախագահին իմփիչմենթի ենթարկելու համար հետաքննություն անցկացնելը, երբ դրա համար չկան պատճառներ»,- նշել է Ներկայացուցիչների պալատի փոքրամասնության առաջնորդ Քեվին Մքարթին:

Ներկայացուցիչների պալատում իմփիչմենթի որոում կայացվելու դեպքում Սենատում քվեարկություն կանցկացվի: Նախագահին պաշտոնանկ անելու համար անհրաժեշտ կլինի առնվազն 67 ձայն, ներառյալ 22 հանրապետականների ձայներ: