Ձեր վստահելի աղբյուրը

Երգիչ, երգահան Վահան Արծրունին բարձրաձայնում է   WCIT 2019-ի բացման համերգի ժամանակ հեղինակային իրավունքի ոտնահարման մասին:

«Այս արհեստական ինտելեկտի «ստեղծագործության» գեղագիտական և այլ մշակութաբանական ասպեկտների մասին չեմ խոսի:ԲԱՅՑ!!! Ուշադիր լսեք նախաբանող տեքստի տակ հնչող երաժշտությունը, որից «ներշնչվել է» այս արհեստական ինտելեկտը, ասել է թէ` ալգորիթմեր մշակող ծրագրավորող տղան::Հարգելիներս, հնչում է Մաշտոցյան շարականի իմ մշակումը, ինչից ես անտեղյակ եմ, հետևաբար ՈՉ ՄԻ ԱՐՏՈՆՈՒԹՅՈՒՆ ՉԵՄ ՏՎԵԼ, որևէ կերպ օգտագերծելու, որևէ ձևաչափով և համարում եմ սա հեղինակային իրավունքի և մտքի ազատության օրենքի ԿՈՊՏԱԳՈՒՅՆ

ԽԱԽՏՈՒՄ:
Լսել 1:00 րոպեից
Հետամուտ եմ լինելու այս հարցին»,- ֆեյսբուքյան իր էջում գրել է Վահան Արծրունին:

Հիշեցնենք, որ նախօրեին Հանրապետության հրապարակում  կայացած համերգով մեկնարկել էր  Երևանում հոկտեմբերի 6-9-ը կայանալիք «WCIT-2019» տեղեկատվական տեխնոլոգիաների համաշխարհային 23-րդ համաժողովը։ Հատուկ միջոցառման համար Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանի նախաձեռնությամբ ստեղծվել է WCIT համաշխարհային նվագախումբը՝ բաղկացած 14 երկրներ ներկայացնող 75 արտասահմանցի և 30 հայ երաժիշտներից: Օտարերկրյա երաժիշտները ներկայացնում են այն երկրները, որտեղ անցյալում անցկացվել է WCIT-ը։