Ձեր վստահելի աղբյուրը

Մեզանից յուրաքանչյուրն ունի հնարավորություն՝ փոխելու աշխարհը՝ մեր նստած տեղից, սա է «Ապակենտրոնացման ուժը»: Կենտրոնն այն է, որը մենք ցանկանում ենք տեսնել, նոր կենտրոններ են առաջ գալիս:

Ինչպես նշվեց այսօր Երևանում մեկնարկած տեղեկատվական տեխնոլոգիաների համաշխարհային համաժողովի մեկնարկին պատրաստված տեսանյութում՝ «դուք այլևս կարիք չունեք լինելու բեմում՝ տեսանելի լինելու համար, կարիք չունեք բարձրախոսի՝ լսելի լինելու համար, կարիք չունեք լինելու մեծ՝ նկատված լինելու համար: Եթե դուք ունեք կարևոր ասելիք՝ դուք կդառնաք կենտրոն: Կարիք չկա լինելու կենտրոնում՝ կենտրոն լինելու համար»:

Այսպիսին է այսօր Երևանում մեկնարկած տեղեկատվական տեխնոլոգիաների համաշխարհային համաժողովի խորագիրը՝ «Ապակենտրոնացման ուժը», որը բխում է կարգախոսից՝ «Վերանայելով կենտրոնը»: Այսօր Հայաստանը դարձել է կենտրոն: Իսկ ով է ասե՞լ, որ հենարանը հենց այս կամ այն կետն է, և ո՞վ է ասել որ հենց դա է կենտրոնը: Յուրաքանչյուրի համար կենտրոնը կարող է լինել ցանկացած կետ՝ դառնալով կենտրոն, էներգիայի նորահայտ աղբյուր: Եվ այդ կետը կարող է դառնալ մի նոր աշխարհի կենտրոն:

Առաջատար տեխնոլոգիաների ձեռնարկությունների միության նախագահ Ալեքսանդր Եսայանը ողջունեց համաժողովի հյուրերին ու մասնակիցներին:

«Հայաստանն առաջիկա 3 օրերին կլինի կենտրոնը, ինչպես նաև տարածաշրջանում, քանի որ ՏՏ-ն զարգանում է մեր երկրում»,-ասաց Ալեքսանդր Եսայանը՝ մասնակիցներին մաղթելով հիանալի համաժողով:

Նշենք, որ համաժողովը կանցկացվի հոկտեմբերի 6-ից 9-ը:

Նշենք, որ Տեղեկատվական տեխնոլոգիների համաշխարհային համաժողովի հիմնադիրը Տեղեկատվական տեխնոլոգիաների և ծառայությունների համաշխարհային դաշինքն է, որն անցկացվում է ամեն տարի: ՏՏԾՀԴ-ի անդամներն են ավելի քան 80 երկրներ ու ասոցիացիաներ, որոնք կազմում են աշխարհի ՏՏ շուկայի ավելի քան 90 տոկոսը: Երևանում համաժողովին մասնակցում են 70 երկրից ավելի քան 2500 մասնակիցներ: