Ձեր վստահելի աղբյուրը

Life.ru կայքը հրապարակել է Խաչատուրյան քույրերից մեկի հեռախոսազրույցը ոստիկանության հետ հորը՝ Միխայիլ Խաչատուրյանին  սպանելուց անմիջապես հետո։  Աղջիկը հեռախոսազրույցի ժամանակ  ներկայանում է  Անգելինա, ասում է, որ իրենց հայրը եղել է «թմրամիջոցների ազդեցության տակ»։

«Նա ունի հանգստացնող դեղահաբեր, սակայն նա շատ է խմել... Ես երկու քույրերիս հետ եմ, մեկը 19 տարեկան է մյուսը՝ 17»,- ասում է աղջկը։

Բացի այդ, աղջիկը պատմում է, որ հայրը դանակով հարձակվել է իրենց վրա։  Հեռախոսազրույցի ընթացքում աղջիկը լացում է։

Աղջկան հարցնում են, թե կոնկրետ ո՞վ է դանակով սպանել հորը։

«Ես»,- պատասխանել է նա։

2018 թ. հուլիսի 27-ին Քրիստինան, Անգելինան և Մարիան սպանել են իրենց հոր՝  57-ամյա Միխայիլ Խաչատուրյանին, դանակով հարվածելով պարանոցին և կրծքավանդակին։ Աղջիկները խոստովանել են իրենց կատարած հանցանքը և բացատրել, որ նա երկար ժամանակ իրենց բարոյական տառապանքներ է պատճառել։ 2018 թ. սեպտեմբերի 27-ին Մոսկվայի Բասմաննի դատարանը  փոխել էր  Խաչատուրյան երեք քույրերի խափանման միջոց կալանքը և ընտրել  որոշակի գործողություններ կատարելու արգելքի տեսքով խափանման միջոց։ Վերջնական մեղադրանք եզրակացությամբ, երեք քույրերին մեղադրանք է առաջադրվել նախնական համաձայնությամբ մի խումբ անձանց կողմից սպանության հոդվածով։ Քննչական կոմիտեն ճանաչել է աղջիկների նկատմամբ հոր բռնության փաստերը։  Քույրերի պաշտպանները փորձում են հասնել նրան, որ նրանց գործողությունները  ճանաչեն անհրաժեշտ պաշտպանություն։