Ձեր վստահելի աղբյուրը

Հոկտեմբերի 10-ին Հայաստանի ազգային հավաքականը ժամանել է Շվեյցարիայի Սեն-Գալեն քաղաք, որտեղ մեր թիմը կնախապատրաստվի հոկտեմբերի 12-ին կայանալիք Լիխտենշտեյն-Հայաստան հանդիպմանը:

ՀՖՖ-ից հայտնում են, որ թիմը հանգրվանել է «Օբերվեյդ» հյուրանոցում: Հոկտեմբերի 11-ին՝ ժամը 18:30-ին (Երևանի ժամանակով՝ 20:30-ին), Լիխտենշտեյնի մայրաքաղաք Վադուցի «Ռեյնպարկ» մարզադաշտում կկայանա Հայաստանի ազգային հավաքականի գլխավոր մարզիչ Արմեն Գյուլբուդաղյանցի և ֆուտբոլիստներից մեկի նախախաղային մամուլի ասուլիսը, իսկ 19:00-ին՝ մեր ընտրանու նախախաղային մարզումը:

Լիխտենշտեյն-Հայաստան հանդիպումը կկայանա հոկտեմբերի 12-ին: Սկիզբը՝ Երևանի ժամանակով 22:45-ին:

Հիշեցնենք, որ ազգային հավաքականը և ՀՖՖ ֆուտբոլային պատվիրակությունը չարտերային ուղերթով մեկնեցին Գերմանիայի Ֆրիդրիխսհաֆեն քաղաք, որտեղից էլ ավտոբուսով ուղևորվել են Շվեյցարիայի Սեն Գալեն քաղաք: 

Դարպասապահներ

Արամ Հայրապետյան, «Ուրարտու»          

Հենրի Ավագյան, «Ալաշկերտ»    

Արսեն Բեգլարյան, «Դնեպր», (Բելառուս) 
   

Պաշտպաններ

Տարոն Ոսկանյան, «Ալաշկերտ»                                                                

Հայկ Իշխանյան, «Ալաշկերտ»

Արման Հովհաննիսյան, «Գանձասար-Կապան»

Վարազդատ Հարոյան, «Ուրալ», Ռուսաստան

Հովհաննես Համբարձումյան, «Էնոսիս Պարալիմնի», (Կիպրոս)

Արարատ Մոնրո, «Բոյակա Չիկո» (Կոլումբիա)

Անդրե Չալըշըր, «Գյոթեբորգ» (Շվեդիա)
 

Կիսապաշտպաններ                                                      

Պետրոս Ավետիսյան, «Արարատ-Արմենիա»

Արտակ Եդիգարյան, «Փյունիկ»

Արաս Օզբիլիս, «Փյունիկ»

Էրիկ Վարդանյան, «Փյունիկ»

Արտակ Գրիգորյան, «Ալաշկերտ»

Գոռ Մալաքյան, «Արարատ-Արմենիա»

Ռումյան Հովսեփյան, «Արդա» (Բուլղարիա)

Մարկոս Պիզելլի, «Ակտոբե», (Ղազախստան)

Գևորգ Ղազարյան, ԱԵԼ (Կիպրոս)

Էդգար Բաբայան, «Հոբրո», (Դանիա)

Հարձակվողներ

Արթուր Միրանյան «Փյունիկ»

Տիգրան Բարսեղյան, «Կայսար», (Ղազախստան)

Սարգիս Ադամյան, «Հոֆենհայմ», (Գերմանիա)

Ալեքսանդր Կարապետյան, «Սոչի», (Ռուսաստան)

Հրավիրված 25 ֆուտբոլիստներից հայտացուցակից դուրս է մնացել միայն Անատոլի Այվազովը:

Հաշվի առնելով վնասվածքը և թռիչքի հետ կապված ծանրաբեռնվածությունից խուսափելու համար Կամո Հովհաննիսյանը մնացել է Երևանում և կշարունակի անհատական մարզումները: Նա բաց կթողնի Լիխտենշտեյնի դեմ հանդիպումը և ապաքինվելու դեպքում կարող է միանալ ազգային թիմին արդեն Ֆինլանդիայի դեմ խաղում:

Վերջին պահին հավաքականին միացել է «Արարատ-Արմենիայի» կիսապաշտպան Գոռ Մալաքյանը: