Ձեր վստահելի աղբյուրը

Հանրապետության հրապարակում «Համահայկական Ազգային համաձայնության» շարժմումը բողոքի ակցիա է իրականացնում՝ ընդդեմ Ամուլսարի հանքի շահագործման: Շարժումը քաղաքական նոտա հանձնեց ՀՀ-ում Մեծ Բրիտանիայի դեսպանությանն ու ՀՀ կառավարությանը և վարչպետ Նիկոլ Փաշինյանին:

Շարժման համակարգող Արթուր Արմինն (Արթուր Բաբայան) ընթերցեց  ՀՀ կառավարությանն ուղղված նոտան: Նշում են, որ«Լիդիան Արմենիանի» և «Լիդիան Ինթերնեյշնլի» ղեկավարությանն ու նրանց սատարող Միացյալ Թագավորության դեսպանատան ներկայացուցիչներին պետք է քաջ հայտնի լինի Ամուլսարում ուրանի և թորիումի առակայության մասին, որը չի ներկայացվել նախագծում, «Լիդիան Ինթերնեյշնլի» կողմից ՇՄԱԳԻ տարածքային ազդեցության առումով Ջերմուկ առողջարանային քաղաքի՝ որպես ազդակիր համայնքի միտումնավոր քննությունից դուրս թողնելը, սեյսմիկ և ռազմաստրատեգիական վտանգները, ծանր մետաղներով և ռադիոկատիվ տարրերով գետերի և ստորգետնյա ջրերի աղտոտման վտանգները:

««Լիդիան Արմենիայի» ծրագրերում, ինչպես սույն ընկերությունն է հայտարարել,   կա Ամուլսարի ոսկին զտելու նպատակով  10 հազար տոննա  ցինաիդ ներկրել Հայաստան: Հայտնի չէ, թե Հայաստանի  շրջափակման  առկա պայմաններում ինչպես է հնարավոր կազմակերպել շուրջ 200 բեռնատար  վագոններով բեռնափոխադրում ռուսական «Հարավկովկասյան երկաթուղիների» միջոցով, որի անմխիթար և բացիթողի վիճակի պատճառով բազմիցս ստեղծվել են վթարային իրավիճակներ, գնացքերի շրջվելու դեպքեր: Բնական հարց է առաջանում, թե արդյոք նման վտանգները քննվել ու գնահատվել են ըստ արժանավույն:  Ըստ մեր ունեցած տվյալների, նման քննություն ընդհանրապես չի եղել:

«Լիդիան Ինթերնեյշնլի» հայաստանյան ղեկավարությունը, Նիկոլ Փաշինյանը հայտարարում են, որ ընկերությունն Ամուլսարում արդեն կատարել է 400 միլիոն ոլարի ներդրում, անհիմն է, չի համապատասխանում  իրականությանը: Առ այսօր չի կատարվել  ֆինանսատնտեսական հաշվեքննություն աուդիտ, կամ Լիդիանի կողմից նմանօրինակ փաստաթղթերի  ներկայացում: Շատ ավելի հնարավոր է,  որ այստեղ կա ֆոնդային բորսային խարդախություն:

Քանի որ «Լիդիան Ինթերնեյշնլը»  օֆշորային ընկերություն է, գրված է 2005 թվականին, երբեք ոսկու արդյունահանման  փորձ չի ունեցել, Ամուլսարում  1 տոննա հանքանյութում  0,7 գրամ ոսկու չափը զավեշտալի  ցուցանիշ է, որպեսզի հանքի շահագործումը լինի շահավետ:

Հայաստանի կառավարությունից պահանջում ենք հետաքննություն, ֆինանսատնտեսական հաշվեքննություն:

Մեր՝ շարժման անդամներիս համար անհասկանալի է, որ Հայաստանի կառավարությունը պաշտպանում է օֆշորային գոտում գրանցված մասնավոր ընկերության շահերը՝ վտանգի տակ դնելով Հայաստանի էկոլոգիան և բանկչությանը:

Մենք պահանջում ենք լսել ժողովորդի ձայնը, այլապես պարզ է դառնում, որ Հայաստանի վարչապետ Նիկոլ Փաշինյանի բազմաթիվ պնդումները, թե  Հայաստանում կատարվել է  իշխանափոխություն և իշխանությունը վերադարձվել է Հայաստանի ժողովրդին, իրականությանը չեն համապատասխանում»,- նշված է նոտայում:

Բրիտանական դեսպանությանը հանձնած նոտայում մասնավորապես նշել են. «Մենք բողոք ենք հայտնում, թե Բրիտանական դեսպանությունն ինչ իրավունքով է ինքնիշխան մեկ ուրիշ պետության մեջ պաշտպանում օֆշորներում գրանցված «Լիդիան» ընկերության մասնավոր շահերը: Դեսպանությունը վեց ամսում 55 ծրագիր է իրականացրել Լիդիանի համար: Արդյոք Հայաստանում Բրիտանական դեսպանության աշխատանքը կայանում է  «Լիդիան Ինթերնեյշնլին» սպասարակելը: Այդ նոտան պետք է փոխանցվի Բրիտանական պառլամենտին»: